تۇمانبايدىڭ تۋعان جەرىندە ەسكەرتكىشى اشىلدى

قازاقتىڭ كورنەكتى اقىنى تۇمانباي مولداعاليەۆتىڭ ەسكەرتكىشى ەڭبەكشىقازاق اۋدانى ەسىك قالاسىنداعى اۋداندىق مادەنيەت ءۇيىنىڭ الدىنداعى الاڭعا قويىلدى. ەسكەرتكىشتىڭ اشىلۋ سالتاناتىنا اقىننىڭ جارى كۇلتاي قاسىمقىزى، قازاق ادەبيەتىنىڭ كورنەكتى وكىلدەرى قاتىستى.

الماتى وبلىسى اكىمىنىڭ ورىنباسارى جاقسىلىق ومار ءوز سوزىندە تۇمانبايعا ارناپ بيۋست-ەسكەرتكىش ورناتۋ - اقىننىڭ تۋعان توپىراعىنىڭ قازاق پوەزياسىنا جاساعان قۇرمەتى، اقىننىڭ رۋحىنا باس يگەندىكتىڭ كورىنىسى ەكەنىن اتاپ ءوتتى.

اقىننىڭ جۇبايى كۇلتاي توقتاسىنقىزى وسىنداي يگىلىكتى ءىستى اتقارۋعا مۇرىندىق بولعان جەرلەستەرىنە ريزاشىلىعىن ءبىلدىردى.

ەسكەرتكىشتىڭ ەسكيزدىك جوباسىنىڭ اۆتورى – ساۋلەتشى، ەتنوديزاينەر قۇرمانعازى قادىروۆ، ءمۇسىنشىسى – التاي بەيسەنوۆ. اقىننىڭ ءبيۋستى قولادان جاسالعان، تۇعىرى ءمارمار تاستان دايىندالعان. ەسكەرتكىشتىڭ بيىكتىگى – 4 مەتر. الاڭى 3,5 گا بولاتىن اۋماق 76 ملن تەڭگەگە اباتتاندىرىلعان.

“The Qazaq Times”