فوتو: ازاتتىق راديوسى

وسى جىلعى قىركۇيەكتە مونوپولياعا قارسى ورگان «قازاقمىس» كورپوراتسياسى» جشس مەن «قازمىرىش» جشس-عا قاتىستى مونوپولياعا قارسى زاڭنامانىڭ بۇزىلۋىن تەرگەپ-تەكسەرۋدى اياقتادى، دەپ حابارلايدى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ ءباسپاسوز قىزمەتى.

ءىس قاراعاندى جانە وسكەمەن قالالارىنىڭ مامانداندىرىلعان اكىمشىلىك سوتتارىنا بەرىلدى.

تەكسەرۋ بارىسىندا «قازاقمىس» كورپوراتسياسى» جشس مەن «قازمىرىش» جشس اراسىندا كارتەل جاساسۋ فاكتىسى انىقتالعان، بۇل«قازاتومونەركاسىپ» اق ەنشىلەس كاسىپورنىنىڭ كۇكىرت قىشقىلىن ساتىپ الۋعا جۇمساعان قاراجاتىنىڭ ۇلعايۋىنا اكەپ سوققان.

اكىمشىلىك قۇقىق بۇزۋشىلىق تۋرالى كودەكسكە سايكەس، كارتەلدىك كەلىسىمدى جاساۋ جونىندەگى مونوپوليالىق كىرىس تاركiلەنە وتىرىپ، iرi كاسiپكەرلiك سۋبەكتiلەرiنە مونوپوليستiك قىزمەتتi جۇزەگە اسىرۋدان تۇسكەن كىرىستىڭ 5%-ى مولشەرiندە ايىپپۇل سالىندى(«قازاقمىس» كورپوراتسياسى» جشس ءۇشىن - 1,4 ملرد تەڭگەدەن اسادى).

سونىمەن قاتار، وسى ءىستى قاراۋ قورىتىندىسى بويىنشا 2017 جىلعى 16 قازاندا قاراعاندى قالاسىنىڭ مامانداندىرىلعان اكىمشىلىك سوتى «قازاقمىس» كورپوراتسياسى» جشس-نى كارتەل جاساسۋعا اكەپ سوققان، نارىق سۋبەكتىلەرىنىڭ قىزمەتىن ۇيلەستىرگەنى ۇشىن اكىمشىلىك جاۋاپكەرشىلىككە تارتۋ تۋرالى شەشىم قابىلدادى، اقبتك بويىنشا 1000 اەك مولشەرىندە ايىپپۇل سالىنادى (بۇل 2,2 ملن تەڭگەنى قۇرايدى).

“The Qazaq Times”