فوتو: فەرگانا.رۋ

وزبەكستان پرەزيدەنتى شاۆكات ميرزيەەۆ شەشەنستان باسشىسى رامزان كادىروۆپەن كەزدەستى.

قازان ايىنىڭ 16-سى كۇنى شەشەنستان پرەزيدەنتى رامزان كادىروۆ وزبەكستان رەسپۋليكاسىنا ەل اۋماعىنداعى يسلام ءدىنىنىڭ تاريحي ورتالىقتارىن كورۋگە بارعان. اتالمىش ءىس-ساپار بارىسىندا رامزان كادىروۆتى وزبەكستان باسشىسى شاۆكات ميرزيەەۆ قابىلداپ، قوس تاراپ بۇل كەزدەسۋدىڭ وزبەكستان مەن رەسەي قارىم-قاتىناسىندا الاتىن ورنى ەرەكشە ەكەندىگىن ايتقان. بۇدان بولەك ميرزيەەۆ پەن كادىروۆ الداعى ۋاقىتتا وزبەك-شەشەن قارىم-قاتىناسىندا ساۋدا-ەكونوميكالىق، رۋحاني، مادەني بايلانىستى نىعايتۋ كەرەكتىگىن دە تىلگە تيەك ەتكەن.

كەزدەسۋ سوڭىندا رامزان كادىروۆ شاۆكات ميرزيەەۆقا دوستىق كوڭىلمەن قارسى العانىنا جانە حالىقارالىق ساياساتتا ىستەپ جاتقان جۇمىستارىنا راحمەت ايتىپ، وزبەكستان اۋماعىندا اكەسى احمەت قاجى كادىروۆ ءبىلىم العان ءدىني ورىنداردى ارالاۋعا مۇمكىندىك بەرگەندىگىنە العىس ايتقان.

“The Qazaq Times”