Фото: Фергана.Ру

Өзбекстан президенті Шавкат Мирзиеев Шешенстан басшысы Рамзан Кадыровпен кездесті.

Қазан айының 16-сы күні Шешенстан президенті Рамзан Кадыров Өзбекстан Респуликасына ел аумағындағы ислам дінінің тарихи орталықтарын көруге барған. Аталмыш іс-сапар барысында Рамзан Кадыровты Өзбекстан басшысы Шавкат Мирзиеев қабылдап, қос тарап бұл кездесудің Өзбекстан мен Ресей қарым-қатынасында алатын орны ерекше екендігін айтқан. Бұдан бөлек Мирзиеев пен Кадыров алдағы уақытта өзбек-шешен қарым-қатынасында сауда-экономикалық, рухани, мәдени байланысты нығайту керектігін де тілге тиек еткен.

Кездесу соңында Рамзан Кадыров Шавкат Мирзиеевқа достық көңілмен қарсы алғанына және халықаралық саясатта істеп жатқан жұмыстарына рахмет айтып, Өзбекстан аумағында әкесі Ахмет Қажы Кадыров білім алған діни орындарды аралауға мүмкіндік бергендігіне алғыс айтқан.

“The Qazaq Times”