اقتاۋدا 2020 جىلعا دەيىن وڭىرلەردى دامىتۋ باعدارلاماسىنىڭ شەڭبەرىندە ماڭعىستاۋ وبلىسىنىڭ اكىمى ەرالى توعجانوۆ «South Caspian Operating Company» كومپانياسىنىڭ توراعالارى راو ەسۆارا جانە بەحارا سانكار بحاگاۆاتحيمەن ءوزارا ىنتىماقتاستىق تۋرالى مەموراندۋمعا قول قويدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. ماقسات - ءوڭىردىڭ ەكونوميكاسىن دامىتۋ.

«South Operating Company» كومپانياسى قازاقستان رەسپۋبليكاسىنىڭ اۋماعىندا جوبالاۋ، قۇرىلىس جانە ءوندىرۋ جۇمىستارىمەن اينالىسادى.

تاراپتار اقتاۋ جانە اتىراۋ قالالارىندا قولدانىستاعى مۇناي-حيميا زاۋىتتارىندا قوسالقى قوندىرعىلاردى پايدالانۋ جانە ولارعا قىزمەت كورسەتۋ تۋرالى شارت جاساستى.

شەتەلدىك كومپانيا ماڭعىستاۋ جەرىندە بىرنەشە جوبالاردى جۇزەگە اسىرۋعا نيەتتى. ولار:

  • تەمىر مەتالدان بولات ارماتۋراسىن ءوندىرۋ ءۇشىن تاۋلىگىنە 400 توننا قۋاتتىلىقتى قۇرايتىن بولات بالقىتۋ زاۋىتى;
  • تەمىر رۋدادان جاسالعان بولات بلانكىلەردى ءوندىرۋ ءۇشىن تاۋلىگىنە 400-500 توننا قۋاتى بار مەتاللۋرگيالىق زاۋىت;
  • ىشكى تۇتىنۋ ءۇشىن بيدايدان كۇنىنە 400 مەترلىك توننا كراحمال ءوندىرۋ زاۋىتى.
  • تۇرمىستىق جانە ونەركاسىپتىك تۇتىنۋ ءۇشىن تاۋلىگىنە 500 - 50 000 تەكشە مەتردى قۇرايتىن تۇزسىزداندىرۋ قوندىرعىسى;
  • 100-200 مۆت قۋاتى بار كۇن ەلەكتر ستانتسياسى;
  • مۇناي-گاز جانە باسقا سالالار ءۇشىن تەحنولوگيالىق ازىق-تۇلىك جابدىعى;
  • ۇلكەن قۇرىلىمداردى، مۇناي ساقتاۋ قويمالارى مەن مۇناي-گاز ونەركاسىبى ءۇشىن قاجەتتى وزگە دە ونەركاسىپ ونىمدەرىن وندىرۋگە ارنالعان بولات ونىمدەرىن وندىرۋگە ارنالعان قوندىرعىلار;
  • 100-دەن 200 مۆت دەيىن گاز ەلەكتر ستانتسياسىن سالۋ;
  • 9 اۆتوموبيل ونەركاسىبى ءۇشىن اككۋمۋلياتورلىق زاۋىت سالۋ;
  • كەندىرلى كۋرورتتىق ايماعىنىڭ جوباسى (اۋەجايدىڭ، تۇرعىن الابىنىڭ جانە تۋريستىك ايماقتىڭ قۇرىلىسى).

“The Qazaq Times”