رەسەي قازاقستانعا بومبىلاۋشى ۇشاقتارىن جىبەردى

رەسەي قازاقستانعا بومبىلاۋشى ۇشاقتارىن جىبەردى – دەپ حابارلايدى ريا نوۆوستي اقپارات اگەنتتىگى.

اگەنتتىك مالىمەتىنشە، رف اسكەري اۋە كۇشتەرى «اجىراماس باۋىرلاستىق-2017» اسكەري وقۋ-جاتتىعۋ جۇمىستارى اياسىندا قازاقستانعا ەكى مي-8 امتش تەرميناتور تىكۇشاعىن، ەكى شابۋىلداۋشى ۇشاعىن جانە سۋ-24 مر بارلاۋ ۇشاعىن جىبەرگەن. رەسەي ۇشاقتارى وقۋ-جاتتىعۋ جۇمىستارى كەزىندە ۇقشۇ (ودكب) اسكەرلەرىنە اۋەدەن قولداۋ كورسەتىپ، گۋمانتيتارلىق كومەك تاسىمالدايتىن بولادى.

«اجىراماس باۋىرلاستىق-2017» اسكەري وقۋ-جاتتىعۋ جۇمىستارى قازاقستان اۋماعىندا قازان ايىنىڭ 16-سى مەن 20-سى ارالىعىندا وتەدى. وعان قازاقستان، رەسەي، قىرعىزستان، تاجىكستان، بەلارۋس جانە ارمەنيا ەلدەرىنىڭ اسكەرلەرى قاتىساتىن بولادى.

“The Qazaq Times”