فب الەۋمەتتىك جەلىسىن قۇرۋشى. فوتو: Reuters.

اقش-تىڭ 2016 جىلعى پرەزيدەنت سايلاۋ ءىسىن تەكسەرۋگە قاتىسقان كونگرەسس مۇشەسى سارسەنبى كۇنى مالىمدەمە جاساپ، رەسەيلىك ۇيىمداردىڭ Facebook Inc. كومپانياسىنان ساتىپ العان جارنامالارىن جاريا ەتۋدى جوسپارلاپ وتىرعانىن ايتتى. بۇل تۋرالى «Washington Post» باسىلىمى جازدى.

حابارعا سايكەس، اقش كونگرەسس وكىلدەرى رەسەيلىك ۇيىمدار  Facebook الەۋمەتتىك جەلىسى ارقىلى اقش ۇكىمەتىنىڭ زاڭدارى مەن جاڭا ەرەجەلەرىنە قارسى قوعامدىق پىكىر تۋعىزىپ وتىر دەپ قارايدى. رەسەي ۇكىمەتىنە قىزمەت ەتەتىن وسى فب قولدانۋشىلارى جۇرگىزىپ وتىرعان جارناما پاراقشالارىن تەكسەرىپ، بارلىق جەلى قولدانۋشىلارعا اشىق اشكەرەلەۋ كەرەك دەپ قارايدى.

وكىلدەر پالاتاسىنىڭ بارلاۋ جونىندەگى كوميتەتىنىڭ توراعاسى، تەحاس شتاتىنىڭ وكىلى مايك كونۋەي تەرگەۋگە جەتەكشىلىك ەتتى. ول جوعارىداعى ۇسىنىستى مۇمكىندىگىنشە تەزىرەك اتقارۋدى ايتۋدا. ال كوميتەتتىڭ ەڭ ۇلكەن دەموكراتيالىق مۇشەسى جانە كاليفورنيا وكىلدەر پالاتاسىنىڭ مۇشەسى ادام شيفف Facebook-كە ۇسىنىس جاساپ، ونداعى جەكە تۇلعالارعا قاتىستى اقپاراتتاردى تازالاپ بولعاننان كەيىن، رەسەي ۇيىمدارىنىڭ ساتىپ العان جارنامالارىنىڭ بارلىعىن جاريالاۋدى ۇسىنىپ وتىر.

بۇل ەكى لاۋازىمدى تۇلعا كەشە Facebook كومپانياسىنىڭ باس وپەراتسيالىق ديرەكتورى شەريل ساندبەرگپەن كەزدەستى. ولار ورتاق اقىلداسا كەلە، كوپ ۇزاماي اتالعان جارناما مازمۇندارىن بارلىق جەكە قۇقىقتاردى ساقتاۋ ارقىلى امەريكالىق تۇتىنۋشىلارعا اشكەرەلەمەك.

“The Qazaq Times”