فوتو: Kapital.kz

جانار-جاعارماي باعاسىن كوتەرۋگە بايلانىستى مۇناي ونىمدەرىن بولشەك ساۋدادا وتكىزۋشى 47 سۋبەكتىگە قاتىستى تەرگەۋلەر جۇرگىزگەن. ناتيجەسىندە 2016 جىل جانە 2017 جىلدىڭ قاڭتار-ناۋرىز ايىندا ولارعا 960 ملن تەڭگە اكىمشىلىك ايىپپۇل سالىنعان. بۇل تۋرالى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ ءباسپاسوز قىزمەتى حابارلادى. 

"مونوپولياعا قارسى ورگانعا كەلىپ تۇسكەن مۇناي ونىمدەرىنىڭ تاپشىلىعى جانە ولارعا باعالاردىڭ ءوسۋى تۋرالى مالىمەتتەرگە بايلانىستى، قر ۇەم-ءنىڭ تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى مۇناي ونىمدەرىن كوتەرمە (292 سۋبەكتى) جانە بولشەك ساۋدادا (361 سۋبەكتى) وتكىزەتىن نارىق سۋبەكتىلەرىنە، مۇناي ونىمدەرىن وندىرۋشىلەرگە (3 ءموز) تيىستى سۇراۋ سالۋلار جىبەردى", - دەلىنگەن كوميتەتتىڭ ءباسپاسوز حابارلاماسىندا.

ۆەدومستۆو مالىمەتىنشە، نارىق سۋبەكتىلەرىنىڭ ۇستەم نەمەسە مونوپوليالىق جاعدايدى تەرىس پايدالانۋ فاكتىلەرى قر اقبتك-ءنىڭ 159-بابى بويىنشا سارالانادى. وسى بويىنشا مونوپوليالىق كىرىس تاركiلەنگەن جاعدايدا شاعىن نەمەسە ورتا كاسiپكەرلiك سۋبەكتiلەرiنە مونوپوليستiك قىزمەتتi جۇزەگە اسىرۋ ناتيجەسiندە الىنعان كىرىستىڭ ء(تۇسiمنiڭ) 3 %-ى، iرi كاسiپكەرلiك سۋبەكتiلەرiنە – 5 %-ى مولشەرiندە ايىپپۇل سالىنادى.

“The Qazaq Times”