الماتىدا جەڭىل اتلەتيكا ستاديونى اشىلدى

الماتىنىڭ  الاتاۋ اۋدانىندا «تۋعان جەر» باعدارلاماسى اياسىندا جاڭا جەڭىل اتلەتيكا ستاديونى اشىلدى. ونىڭ جالپى الاڭى - 39 مىڭ شارشى مەتر، دەپ حابارلايدى الماتى قالاسى اكىمدىگىنىڭ ءباسپاسوز قىزمەتى. 

ستاديون «الماتى ارەنا» مۇز سارايىنىڭ ارتىندا، قولايلى جەرگە ورنالاسقان، مۇندا جەڭىل اتلەتيكانىڭ 47 تۇرىمەن اينالىسىپ، فۋتبول تەبۋگە دە بولادى. اشىق ستاديوندا 100,400 مەترلىك جۇگىرۋ جولدارى،  100 ح70 م. كولەمدەگى جاساندى  فۋتبول الاڭى، ۇزىندىققا جانە بيىككە سەكىرەتىن الاڭدار،  كولەمى 100ح62 مەتر بولاتىن يادرو، ديسك، نايزاعاي لاقتىرۋعا لايىقتالىپ جاسالعان ارنايى ايماقتار بار.

الماتى اكىمدىگىنىڭ مالىمەتىنشە، الداعى ۋاقىتتا مەدەۋ اۋدانىنداعى «حالىق ارەنانىڭ»  جانىنان دا بارلىق حالىقارالىق ستاندارتتارعا ساي كەلەتىن 5000 ورىندى زامانۋي جابىق  جەڭىل اتلەتيكا ستاديونىن سالۋ  جوسپارلانعان.

“The Qazaq Times”