رەسەي حاكەرلەرى اقش ۇلتتىق قاۋىپسىزدىگىنىڭ قۇپيا ماتەريالىن ۇرلعان

قۇراما شتاتتىڭ كوپتەگەن اقپارات كوزدەرى «اقش ۇلتتىق قاۋىپسىزدىك اگەنتتىگىنىڭ (NSA) مەردىگەرى ماڭىزدى قۇپيا ماتەريالداردى الىپ، ءوز كومپيۋتەرىنە ورنالاستىرعاندىقتان، رەسەي ۇكىمەتى ءۇشىن جۇمىس ىستەيتىن حاكەرلەر اقش-تىڭ سىرتقى كومپيۋتەرلىك جەلىلەرىن جانە قورعانىستىق كيبەرشابۋىلدارعا قالاي ەنە الاتىنى تۋرالى مالىمەتتەرىن ۇرلاعان» دەپ مالىمدەۋدە. بۇل تۋرالى «WSJ» باسىلىمى جازدى.

اقپارات كوزدەرىنىڭ مالىمەتىنشە، كەلىسىمشارتتار بويىنشا حاكەرلەر وسى فايلداردى انىقتاۋ ءۇشىن تانىمال رەسەيلىك انتيۆيرۋس پروگراممالارىن جاساۋشى «كاسپەرسكي زەرتحاناسى» باعدارلاماسىن پايدالانادى، سودان كەيىن كەلىسىمشارت بويىنشا قىزمەتكەرلەردى قۇرساۋلايدى. وسى سالانىڭ ماماندارىنىڭ پىكىرىنە قاراعاندا، بۇل سوڭعى كەزدەگى ەڭ ۇلكەن جەلى شابۋىل وپەراتسياسى. اقش بارلاۋ اگەنتتەرىنىڭ ايتۋىنشا، مۇنداي كيبەرشابۋىل 2015 جىلى دا بولعان، الايدا ول تۋرالى دەرەك وتكەن جىلدىڭ كوكتەمىندە عانا بەلگىلى بولعان.

ۇرلانعان ماتەريال NSA سىرتقى كومپيۋتەرلىك جەلىلەرىنە قالاي كىرەتىنى تۋرالى مالىمەتتەردى، كومپيۋتەر كودتارىن باقىلاۋ جانە اقش-تىڭ كومپيۋتەرلىك جەلىسىنىڭ بولشەكتەرىن قالاي قورعاۋ جونىندەگى اقپاراتتىردى قامتيدى. رەسەي ۇكىمەتى وسى اقپاراتتى يگەرۋ ءۇشىن ءوز جەلىسىن قورعاۋ تۋرالى ناقتى مالىمەتتەردى بىلگەن بولۋى مۇمكىن. بۇل ارينە NSA جۇمىسىنىڭ قيىندىعىن ارتتىرادى. ەڭ قيىنى رەسەيلىك حاكەرلەر NSA قولداناتىن ادىستەر ارقىلى وزگە ەلدەردىڭ جەلىلەرىنە كىرۋى مۇمكىن دە مۇمكىن.

اقش ۇلتتىق قاۋىپسىزدىك اگەنتتىگى «رەسەيلىك حاكەرلەر Kaspersky باعدارلامالىق جاساقتاماسىن امەريكالىق ۇكىمەتكە قارسى شپيوندىق ءىس-قيمىل جاساۋ ءۇشىن قولداناتىنى بەلگىلى» دەپ قارايدى. ال، حالىقارالىق دەرەكتەر كورپوراتسياسىنىڭ مالىمەتىنە سۇيەنسەك، «كاسپەرسكي زەرتحاناسى» وتكەن جىلى باتىس ەۋروپادا جانە امەريكادا قۇنى 500 ميلليون دوللاردان اساتىن باعدارلامالارىن ساتقان.

“The Qazaq Times”