Reseylik hakerler AQŞ Wlttıq qauipsizdik agenttiginiñ materialdarın wrladı. Foto: Firenews.

Qwrama Ştattıñ köptegen aqparat közderi «AQŞ Wlttıq qauipsizdik agenttiginiñ (NSA) merdigeri mañızdı qwpiya materialdardı alıp, öz komp'yuterine ornalastırğandıqtan, Resey ükimeti üşin jwmıs isteytin hakerler AQŞ-tıñ sırtqı komp'yuterlik jelilerin jäne qorğanıstıq kiberşabuıldarğa qalay ene alatını turalı mälimetterin wrlağan» dep mälimdeude. Bwl turalı «WSJ» basılımı jazdı.

Aqparat közderiniñ mälimetinşe, kelisimşarttar boyınşa hakerler osı fayldardı anıqtau üşin tanımal reseylik antivirus programmaların jasauşı «Kasperskiy zerthanası» bağdarlamasın paydalanadı, sodan keyin kelisimşart boyınşa qızmetkerlerdi qwrsaulaydı. Osı salanıñ mamandarınıñ pikirine qarağanda, bwl soñğı kezdegi eñ ülken jeli şabuıl operaciyası. AQŞ barlau agentteriniñ aytuınşa, mwnday kiberşabuıl 2015 jılı da bolğan, alayda ol turalı derek ötken jıldıñ kökteminde ğana belgili bolğan.

Wrlanğan material NSA sırtqı komp'yuterlik jelilerine qalay kiretini turalı mälimetterdi, komp'yuter kodtarın baqılau jäne AQŞ-tıñ komp'yuterlik jelisiniñ bölşekterin qalay qorğau jönindegi aqparattırdı qamtidı. Resey ükimeti osı aqparattı igeru üşin öz jelisin qorğau turalı naqtı mälimetterdi bilgen boluı mümkin. Bwl ärine NSA jwmısınıñ qiındığın arttıradı. Eñ qiını reseylik hakerler NSA qoldanatın ädister arqılı özge elderdiñ jelilerine kirui mümkin de mümkin.

AQŞ Wlttıq qauipsizdik agenttigi «reseylik hakerler Kaspersky bağdarlamalıq jasaqtamasın amerikalıq ükimetke qarsı şpiondıq is-qimıl jasau üşin qoldanatını belgili» dep qaraydı. Al, Halıqaralıq derekter korporaciyasınıñ mälimetine süyensek, «Kasperskiy zerthanası» ötken jılı Batıs Europada jäne Amerikada qwnı 500 million dollardan asatın bağdarlamaların satqan.

“The Qazaq Times”