سولتۇستىك كورەيانىڭ يادرولىق قارۋىنان باسقا تاعى ءبىر قاۋىپتى قارۋى قاتەر توندىرۋدە

اقش اقپارات قۇرالدارى سولتۇستىك كورەيانىڭ يادرولىق قارۋدان باس تارتۋ قادامدارىن جاساپ جاتقانىن، الايدا تاعى ءبىر قاۋىپتى قارۋدى جالعاستى پايدالانىپ وتىرعانىن، ول بولسا – كيبەر-شابۋىل ەكەنىن ايتادى.

سولتۇستىك كورەيا يادرولىق قارۋدى دامىتقانى ءۇشىن حالىقارالىق قاۋىمداستىق تارابىنان وڭباي جازاعا تارتىلدى. الايدا، كوپتەگەن جىلداردان بەرى سولتۇستىك كورەيا كيبەر-شابۋىل ارقىلى كەيبىر ەلدەردىڭ بانكتەرىنەن قارجى ۇرلاپ كەلە جاتقانى ءمالىم.

اقش پرەزيدەنتىنىڭ مالىمدەۋىنشە، سولتۇستىك كورەيا باسشىسىمەن كەزدەسۋى ۋادەلەسكەندەي 12 ماۋسىمدا وتپەك. دەگەنمەن، حاكەرلەردىڭ شابۋىلىنا ۇشىراعان ءبىر امەريكالىق كوممەرتسيالىق كومپانيا مەن كيبەر-قاۋىپسىزدىك ماسەلەسى بويىنشا اقش مەملەكەتتىك ورگاندارىنا كەڭەس بەرۋشى Cyber Security كومپانياسى ەسكەرتۋ جاساپ، سولتۇستىك كورەيانىڭ حاكەرلىك وپەراتسيالارى ءالى دە جۇيەلى تۇردە جالعاسىپ جاتقانىن، نەگىزىنەن ازيا مەن لاتىن امەريكاسىنا كوبىرەك قاۋىپ ءتوندىرىپ تۇرعانىن ايتتى.

سوڭعى كەزدەرى اقش-تى سولتۇستىك كورەيا قاتارلى بىرنەشە ەلدىڭ كيبەر-شابۋىل قاتەرى كوبىرەك الاڭداتتى.  بۇنىڭ اراسىندا قىتاي دا بار. قىتاي-اقش اراسىنداعى كيبەر-قاقتىعىس تولاستاعان ەمەس. ەكى تاراپتا بۇل سالاعا قىرۋار قارجى ءبولىپ، ءبىر-ءبىرىنىڭ مەملەكەتتىك جۇيەلەرىنە شابۋىل جاساپ كەلەدى.

“The Qazaq Times”