Ресейлік хакерлер АҚШ Ұлттық қауіпсіздік агенттігінің материалдарын ұрлады. Фото: Firenews.

Құрама Штаттың көптеген ақпарат көздері «АҚШ Ұлттық қауіпсіздік агенттігінің (NSA) мердігері маңызды құпия материалдарды алып, өз компьютеріне орналастырғандықтан, Ресей үкіметі үшін жұмыс істейтін хакерлер АҚШ-тың сыртқы компьютерлік желілерін және қорғаныстық кибершабуылдарға қалай ене алатыны туралы мәліметтерін ұрлаған» деп мәлімдеуде. Бұл туралы «WSJ» басылымы жазды.

Ақпарат көздерінің мәліметінше, келісімшарттар бойынша хакерлер осы файлдарды анықтау үшін танымал ресейлік антивирус программаларын жасаушы «Касперский зертханасы» бағдарламасын пайдаланады, содан кейін келісімшарт бойынша қызметкерлерді құрсаулайды. Осы саланың мамандарының пікіріне қарағанда, бұл соңғы кездегі ең үлкен желі шабуыл операциясы. АҚШ барлау агенттерінің айтуынша, мұндай кибершабуыл 2015 жылы да болған, алайда ол туралы дерек өткен жылдың көктемінде ғана белгілі болған.

Ұрланған материал NSA сыртқы компьютерлік желілеріне қалай кіретіні туралы мәліметтерді, компьютер кодтарын бақылау және АҚШ-тың компьютерлік желісінің бөлшектерін қалай қорғау жөніндегі ақпараттырды қамтиды. Ресей үкіметі осы ақпаратты игеру үшін өз желісін қорғау туралы нақты мәліметтерді білген болуы мүмкін. Бұл әрине NSA жұмысының қиындығын арттырады. Ең қиыны ресейлік хакерлер NSA қолданатын әдістер арқылы өзге елдердің желілеріне кіруі мүмкін де мүмкін.

АҚШ Ұлттық қауіпсіздік агенттігі «ресейлік хакерлер Kaspersky бағдарламалық жасақтамасын америкалық үкіметке қарсы шпиондық іс-қимыл жасау үшін қолданатыны белгілі» деп қарайды. Ал, Халықаралық деректер корпорациясының мәліметіне сүйенсек, «Касперский зертханасы» өткен жылы Батыс Еуропада және Америкада құны 500 миллион доллардан асатын бағдарламаларын сатқан.

“The Qazaq Times”