يسپانيانىڭ كونستيتۋتسيالىق سوتى كاتالونيا پارلامەنتىنىڭ كەلەسى اپتادا بولاتىن تاۋەلسىزدىك تۋرالى جينالىسىن توقتاتۋعا بۇيرىق بەردى. كونستيتۋتسيالىق سوت بۇيرىعى يسپانيا پارتيالارىنىڭ بىرجاقتى تاۋەلسىزدىك جاريالاۋ ءىسىن توقتاتۋ ارىز-شاعىمدارىنا بايلانىستى تۇسىرىلگەن. وندا الداعى دۇيسەنبى كۇنى بارسەلونادا وتەتىن كاتالونيا پارلامەنتىنىڭ كەزدەسۋىن توقتاتۋعا پارمەن بەرگەن. بۇل تۋرالى «WSJ» باسىلىمى حابارلاپ وتىر.

كاتالونيا اۆتونومياسىنىڭ پرەزيدەنتى كارلەس پۋدجەمونت دۇيسەنبىدەگى كەزدەسۋدە رەفەرەندۋمنىڭ قورىتىندىسىن جاريالاۋدى جوسپارلاپ وتىر. بىراق، يسپانيا كونستيتۋتسيالىق سوتى كاتالونيا پارلامەنت جيىنىنىڭ زاڭسىزدىعىن تەكسەرۋدەن وتكىزگەن. يسپانيا تۇتاستىعىنا بۇل جينالىستى توقتاتۋ بۇيرىعى بەرىلدى.

وسىعان دەيىن كاتالونيانىڭ جەرگىلىكتى كوشباسشىلارى مەن تاۋەلسىز زاڭ شىعارۋشىلارى كونستيتۋتسيالىق سوتتىڭ بۇيرىعىن بۇزىپ، وتكەن جەكسەنبىدە تاۋەلسىزدىك تۋرالى رەفەرەندۋم وتكىزگەن.  جاعدايدىڭ دامۋ بارىسىنا قاراعاندا، اتالعان سوت شەشىمى تاعى دا بۇزىلۋى مۇمكىن دەپ قارايدى ساراپشىلار. سەبەبى، كاتالونيا جەرگىلىكتى باسشىلارى كونستيتۋتسيالىق سوتتىڭ دا ساياسي مەكەمە ەكەنىن العا تارتۋدا.

قازىر تاراپتاردىڭ كەلىسپەۋشىلىگىنەن قانداي شيەلەنىس پەن قاقتىعىستاردىڭ بولاتىنىن بولجاپ ايتۋ قيىن.

“The Qazaq Times”