كۇردىستان جۇمىسشىلار پارتياسى ءسۇريانىڭ دەير-ەز-زور پروۆينتسياسىنداعى مۇناي كەن ورىندارىن باسىپ الدى – دەپ حابارلايدى Anadolu اقپارات اگەنتتىگى.

اگەنتتىك مالىمەتى بويىنشا، كۇردتەر ءسۇريا مەملەكەتىنە تيەسىلى مۇناي كەن ورىندارىنان بولەك، دەير-ەز-زور پروۆينتسياسىنىڭ سولتۇستىك-شىعىسىندا ورنالاسقان ەس-سۋۆار جانە سولتۇستىك-باتىسىندا ورنالاسقان ءال-كاسرا قالالارىن دا ءوز يەلىكتەرىنە العان. ايتا كەتەتىن ءبىر جايت، ءسۇريانىڭ ەڭ ءىرى 11 مۇناي كەن ورىنى دەير-ەز-زور پروۆينتسياسى اۋماعىندا ورنالاسقان. قازىرگى تاڭدا كۇردىستان جۇمىسشىلار پارتياسى سولاردىڭ بىرەۋىن ياعني ەفرات وزەنىنەن 22 شاقىرىم جەردە ورنالاسقان سەفرە كەن ورىنىن باسىپ العان.

بۇعان دەيىن باشار اساد اسكەرى قىركۇيەك ايىندا ەفرات وزەنىنە بەت العان كۇردىستان جۇمىسشىلار پارتياسىنىڭ ساربازدارىن توقتاتا المايتىندارىن مالىمدەگەن بولاتىن.

“The Qazaq Times”