ءسۇريا پرەزيدەنت سايلاۋىن وتكىزۋگە دايىندالۋدا. بۇل ەلدەگى ازاماتتىق سوعىس باستالعاننان بەرگى ەكىنشى رەت وتكەلى جاتقان اۋقىمدى ساياسي ناۋقان. ءسۇريا بيلىگى ەلدىڭ بارلىق پروۆينتسيالارىندا سايلاۋ ۋچاسكەلەرى اشىلعانىن حابارلادى. 

قازىرگى پرەزيدەنت باشار اساد ەلدى جيىرما جىلعا جۋىق ۋاقىت باسقارىپ كەلەدى. ازاماتتىق سوعىس كەزىندە ونىڭ بيلىگى وزىنە قارسى وپپوزتسيا جەتەكشىلەرىن قۋدالاپ، قيناۋعا الدى دەپ تە ايىپتالعان بولاتىن.

كەزەكتى سايلاۋدا باشار اسادقا قارسىلاس رەتىندە "دەموكراتيالىق وپپوزيتسيا شەبىنىڭ" جەتەكشىسى ماحمۋد احمەد جانە بۇرىنعى سوتسياليستيكا پارتيانىڭ دەپۋتاتى ابدوللا سالم قاتارلىلار اتالۋدا. الايدا، ساراپشىلار بۇل جولى دا باشار اساد بيلىكتە قالادى دەپ سانايدى.

بۇدان تۋرا ون جىل بۇرىن سيريالىقتار باشار اساد بيلىگىنە نارازىلىق ءبىلدىرىپ، دەموكراتيالىق تالاپتارمەن كوشەگە شىققان بولاتىن. ونىڭ ناتيجەسى ازاماتتىق سوعىسقا الىپ كەلدى. بۇدان پايدالانعان تەررورلىق توپتار دا ءسۇريا جەرلەرىندە "يسلام مەملەكەتىن" قۇرۋعا تىرىستى.

ون جىلعا جالعاسقان سوعىس بىلتىر ناۋرىز ايىندا عانا تولاستادى. رەسەيدىڭ قولداۋىنا يە بولعان باشار اساد ءسۇريانىڭ تۇگەلگە جۋىق اۋماعىنا قايتا بيلىك ورناتقان.

“The Qazaq Times”