2017 جىلدىڭ 1 قازانىنان باستاپ وزبەكستان قازاقستاندا شىعارىلعان جانە وسى ەلدەن جەتكىزىلەتىن ترانسپورت تۇرلەرىنە اكتسيزدىك سالىق مولشەرلەمەسىن تومەندەتەدى. بۇل تۋرالى وزبەكستان زاڭدارىنىڭ ۇلتتىق مالىمەتتەر بازاسىندا جاريالانعان.
«وزبەكستاننىڭ سىرتقى ەكونوميكالىق قىزمەتىن ودان ءارى جەتىلدىرۋ جونىندەگى شارالار تۋرالى» قاۋلىسىنا سايكەس، اكتسيز ستاۆكاسى كەدەندىك قۇننان 2%-عا دەيىن تومەندەتىلدى. بۇل قۇجاتقا وزبەكستان پرەزيدەنتى شاۆكات ميرزيەەۆ 2017 جىلدىڭ 29 قىركۇيەگىندە قول قويعان.
ال بۇدان بۇرىن قازاقستاندىق اۆتووندىرۋشىلەر قر ۇلتتىق ەكونوميكا ءمينيسترى تيمۋر سۇلەيمەنوۆكە "وزبەكستانمەن اراداعى كولىك تاسىمالى شارتتارىن تەڭەستىرىپ بەرۋ تۋرالى" ءوتىنىش ايتقان. ولاردىڭ سوزىنشە، 1996 جىلدان بەرى وزبەك اۆتووندىرۋشىلەرى قازاقستان نارىعىنا 720 ملن دوللارعا 85 مىڭ كولىك ەكسپورتتاعان. ال وسى ۋاقىت ارالىعىندا وزبەكستاننىڭ اكتسيز مولشەرلەمەلەرى جوعارى بولعاندىقتان قازاقستاندىق كولىكتەر اتالعان ەلگە جىبەرىلمەگەن.
ايتا كەتەيىك، سوڭعى ۋاقىتتا قازاقستان مەن وزبەكستان جاڭا قارىم-قاتىناستار ورناتا باستادى. وسىنداي ەكونوميكالىق-ساياسي وزگەرىستەر كوپتەگەن شەتەلدىك ساراپشىلار مەن باتىس مەملەكەتتەرىنىڭ "ورتالىق ازيادا قازاقستان مەن وزبەكستان كوشباسشى بولۋعا باقتالاس بولىپ كەلەدى" دەگەن پىكىرىن جوققا شىعاردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى