تايلاندتىڭ بۇرىنعى پرەمەر ءمينيسترى. فوتو: wsj.com.

تايلاند سوتى ەلدىڭ بۇرىنعى پرەمەر-ءمينيسترى ينگلاك شيناۋاترانى بەس جىلعا باس بوستاندىعىنان ايىردى. ءبىر اي بۇرىن تايلاند  سوتى ينگلاكقا قارسى سوت وتىرىسىن وتكىزگەن كەزدە، بۇرىنعى پرەمەر-ءمينيسترى دەنساۋلىق جاعدايىن العا تارتىپ،  سوت وتىرىسىنان جالتارعان ەدى. بۇل تۋرالى «The Wall Street Journal» باسىلىمى حابارلادى.

تايلاند سوتىندا ميللياردتاعان قارجى جۇمسالعان كۇرىش ساتىپ الۋ سۋبسيدياسىنا بايلانىستى ينگلاكتىڭ ۇستىنەن ءىس قوزعالعان بولاتىن. سونىمەن بىرگە، تايلاند قارۋلى كۇشتەرىنىڭ ۇكىمەتتىڭ شەشىمىن بۇرمالاۋعا ىقپالى بولعان دەگەن ماسەلە دە سوت تاقىرىبىنا كىرگەن. بۇل اسكەري-ساياسي وزگەرىس كەزىندە تايلاند قارۋلى كۇشتەرى وزدەرىنىڭ قولباسشىلارى پاترانى پرەمەر-مينيسترلىك لاۋازىمىنا ۇسىنعان.

سوت وتىرىسىنان دا ساياسي وزگەرىستەردەن دە ءوزىن تاسادا ۇستاپ وتىرعان ينگلاكتىڭ قايدا ەكەنى تۋرالى جەرگىلىكتى باق ەشقانداي جاۋاپ تالا الماعان. الايدا، قارۋلى كۇشتەردىڭ قولباسشىسى پاترا سەيسەنبى كۇنى حابارلاما جاريالاپ، ءوزىنىڭ بۇرىنعى پرەمەر-ءمينيستردىڭ جانىنا قويعان شپيونىنىڭ بار ەكەنىن، ونىڭ قايدا ەكەنىن بىلەتىنىن مالىمدەگەن. بىراق بۇل تۋرالى جۋرناليستەرگە ناقتى جاۋاپ بەرمەدى.

تايلاندتاعى ساياسي وزگەرىستەر اسا كۇردەلى كۇيدە تۇر. تايلاند سوتى ەلدىڭ بۇرىنعى پرەمەر-مينيسترىنە سىرتتاي بەس جىلعا باس بوستاندىعىنان ايىرۋ ۇكىمىن جاريالادى. الايدا، سىرتقى ىستەر مينيسترىلىگى ەلدەگى اۋقىمدى وزگەرىستەر بولعانىنا قاراماستان ەلدىڭ ءالى دە اسكەري دەموكراتيالى مەملەكەت ەكەنىن ايتۋدا.

“The Qazaq Times”