وبلىستىق اكىمدىكتە كوكتەمگى ەگىس جۇمىستارىنا دايىندىق بارىسى پىسىقتالدى. بيىل 4,1 ملن.گا القاپقا ءدان سەبىلمەك، ونىڭ 2,6 ملن گەكتارىنا بيداي ەگىلەدى. كارتوپ پەن كوكونىستەردىڭ القاپتارى ەكى ەسە ۇلعايماق. ەگىس القاپتارىن ءارتاراپتاندىرۋ جۇمىسىنا كوپ كوڭىل بولىنەدى. بيىل سولتۇستىك ءوڭىر مايلى داقىلداردىڭ القاپتارىن ودان سايىن ۇلعايتا تۇسپەك. بۇل تۋرالى سولتۇستىك قازاقستان وبلىسى اكىمىنىڭ ءباسپاسوز قىزمەتى حابارلادى.

بيىل ديقاندار جەرگە 109 مىڭ توننا مينەرالدى تىڭايتقىشتاردى سالۋدى كوزدەپ وتىر. 3,5 ملن.گەكتار اۋماقتا حيميالىق وڭدەۋ جۇرگىزىلسە، زيانكەستەر مەن اۋرۋلارعا قارسى 720 مىڭ گەكتار وڭدەلمەك. بيىل 548 مىڭ توننا تۇقىم دايىندالدى. كوكتەمگى ەگىسكە 66 مىڭ توننا ديزەل وتىنى ءبولىندى. كوكتەمگى ەگىسكە 13662 تراكتور، 16299 ەگىن سەپكىش، 1147 جوعارى ءونىم كەشەندەرى شىعادى.

قازىر ءوڭىردىڭ 26 اگروقۇرىلىمى 500 مىڭ گەكتار اۋماقتا سپۋتنيكتىك مونيتورينگ جۇرگىزەدى. بيىل تسيفرلەندىرۋدى 50 شارۋاشىلىق ەنگىزبەك. القاپتاردىڭ ەلەكتروندى كارتالارى دا كەڭىنەن قولدانىلۋدا. قازىر 2,5 ملن گا نەمەسە 52 پايىزى تسيفرلەندىرىلدى.

جالپى، مەملەكەت ءوڭىردىڭ ەگىس شارۋاشىلىعىنا سۋبسيديا تۇرىندە 16,3 ملرد تەڭگە باعىتتاماق.

“The Qazaq Times”