فوتو: Oxu.az

تاشكەنت اۋەجايىندا بەلگىلى وزبەك جازۋشىسى نۋرۋلو وتاحانوۆ تۇتقىندالدى - دەپ حابارلايدى Oxu-az اقپارات كوزى Reuters اقپارات اگەنتتىگىنە سىلتەمە جاساپ.

Reuters اگەنتتىگىنىڭ مالىمەتىنشە، وتاحانوۆ تاشكەنت اۋەجايىندا ستامبۇل قالاسىنان ورالعان بەتتە ۇستالعان. ول تۇركياعا 2015 جىلى جۇمىس بابىمەن كەتكەن، بىراق سول ۋاقىتتا ەل بيلىگى ونى «قارا تىزىمدەگى» ازاماتتاردىڭ قاتارىنا كىرگىزىپ جىبەرگەن. وسىدان كەيىن وتاحانوۆ وزبەكستانعا قايتىپ ورالماۋدى ۇيعارعان. بىراق وزەكستاندى ۇزاق جىلدار بويى باسقارعان يسلام كارىموۆ ولگەننەن كەيىن وتاحانوۆ ەلگە قايتا كەلگەن. ونى بۇعان دەيىن شاۆكات ميرزيەەۆ «قارا تىزىمنەن» شىعارىپ تاستاعاندىعىن مالىمدەگەن بولاتىن.

نۋرۋلو وتاحانوۆ كوپتەگەن پۋبليتسيستيكالىق، كوركەم-ادەبي شىعارمالاردىڭ اۆتورى. ءوز كەزىندە ول وزبەكستاندا «حيدويات» (دۇرىس جول) جۋرنالىنىڭ باس رەداكتورى قىزمەتىن اتقارعان.

“The Qazaq Times”