وزبەكستان حالقى ءبىر جىلدا جارتى ميلليونعا كوبەيدى

وزبەكستاننىڭ مەملەكەتتىك ستاتيستيكا كوميتەتىنىڭ مالىمەتى بويىنشا، 2017 جىلى 1 قاڭتاردا حالىق سانى 32 ميلليون 121 مىڭ 100 ادام بولعان. وزبەك عالىمدارى مۇنداي ءوسىمدى 2020 جىلعا تامان كۇتكەن ەدى.

2016 جىلعى ءوسىم 1,7 پايىز – 545 مىڭ 800 ادام. قالالاردا 16 ميلليوننان استام ادام (50,6 پايىز), ال اۋىلدا – 15 ميلليون 882 مىڭ 600 ادام (49,4 پايىز) تۇرادى.

وتكەن جىلى 275 مىڭ نەكە تىركەلگەن، بۇل 2015 جىلعى كورسەتكىشكە قاراعاندا 12 مىڭعا از. بىلتىر 29 مىڭ 400 وتباسى اجىراسقان. بۇل تۋرالى «ورتالىق ازيا حابار تاراتۋ قىزمەتى» حابارلايدى.

وزبەكستان مەملەكەتىنىڭ جاڭا پرەزيدەنتى شاۆحات ميرزياەۆ بيلىك باسىنا كەلگەلى اۋقىمدى رەفورمالارعا قادام جاساۋدا. ءتىپتى، ورتالىق ازيادا كوشباسشى ەلگە اينالۋعا ۇمتىلۋدا. ەكونوميكا، قورعانىس, ءوندىرىس بارلىق سالادا دامۋعا بەتبۇردى. بۇل تۋرالى پورتالىمىزدا جاريالارعان شاعىن ساراپتامادا ايتىلىپ، ماقالا الەۋمەتتىك جەلىدە قىزۋ پىكىرتالاس تۋدىرعان.

"The Qazaq Times"