قر اۋىل شارۋاشىلىق مينيسترلىگى شارۋالار ءۇشىن بيداي باعاسىنىڭ قانداي بولاتىنىن مالىمدەدى. مىسالعا، قۇرامىندا 32% كلەيكوۆينا جانە 15% پروتەينى بار 5 سۇرىپتاعى بيدايدىڭ تونناسى – 60000 تەڭگە.
2 سۇرىپتاعى ارپا باعاسى جەتكىزۋ كولەمى 1000 تونناعا دەيىن بولسا، 40000 تەڭگەگە، ال جەتكىزۋ كولەمى 1000 توننادان ارتىق بولسا، تونناسى 41000 تەڭگەگە دەيىن ارتتى.
جالپى رەسپۋبليكا بويىنشا 11,6 ملن گا جەردەن استىق جينالىپ، 14,7 ملن توننا باستىرىلدى. ەگىن جيناۋ قارقىنى بىلتىرعى جىلدىڭ وسى ۋاقىتىمەن سالىستىرعاندا 2,4 ملن گا-عا نەمەسە 16%-عا ارتىق، رەسپۋبليكا بويىنشا بارلىق ەگىستىك القاپتىڭ 76,7% جينالدى.
قر اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆتىڭ مالىمەتىنشە، وڭتۇستىك جانە باتىس قازاقستان، جامبىل وبلىستارىندا ماساقتى ءداندى-داقىلداردى جيناۋ اياقتالعان. ال ەلىمىزدىڭ سولتۇستىكتەگى استىقتى وڭىرلەرىنەن 10,6 ملن توننا استىق جينالدى.
«ارپانى جيناۋ جۇمىستارى اياقتالۋدا. قازىرگى ۋاقىتتا 1,8 ملن گا نەمەسە اۋماقتىڭ 86% جينالىپ، 2,7 ملن توننا ءونىم الىندى. مايلى داقىلدار بويىنشا جالپى اۋماقتىڭ 24% جينالىپ، 1,2 ملن توننا ءونىم الىندى. بۇل كورسەتكىش بىلتىرعى جىلدىڭ كولەمىنەن 10%-عا ارتىق. باقشا داقىلدارىن جيناۋ جۇمىستارى دا جالعاسۋدا. الماتى، جامبىل، وڭتۇستىك قازاقستان وبلىستارى بويىنشا اۋماقتىڭ 76% جينالىپ، 3,1 ملن توننا ءونىم الىندى (بىلتىرعى جىلدان 13% ارتىق). قانت قىزىلشاسى بىلتىرعى جىلعا قاراعاندا 1,5 ەسەگە ارتىق جينالادى دەپ كۇتىلۋدە»، – دەدى ۆيتسە-مينيستر ۇكىمەت وتىرىسىندا.
بيىلعى جىلى استىقتىڭ جالپى كولەمى 19,5 ملن توننانى قۇرايدى دەپ بولجانىپ وتىر. سولتۇستىك وڭىرلەردەن 15 ملن توننا استىق جينالادى دەپ جوسپارلانۋدا.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى