قازاقستاندا جەكە كريپتوۆاليۋتا قاشان پايدا بولادى؟

قر قارجى مينيسترلىگىنىڭ مەملەكەتتىك كىرىستەر كوميتەتى كريپتاۆاليۋتانى ىسكە قوسۋدىڭ ءبازيسى قالاي دايىندالىپ جاتقانى تۋرالى ايتتى، دەپ حابارلايدى LS.

كوميتەتتىڭ مالىمەتىنشە، كريپتوۆاليۋتاعا ءوتۋ ەلدىڭ سالىق جۇيەسىن وڭتايلاندىرۋعا قاتىستى شارالار قابىلدانعاننان كەيىن جۇزەگە اسادى. سونداي-اق، كوميتتەتتىڭ اقپاراتىنشا، ەڭ الدىمەن قوسىمشا قۇن سالىعىن اكىمشىلەندىرۋ اياسىندا بلوكچەين تەحنولوگياسىن ەنگىزۋ اياقتالۋ كەرەك. ال بۇل جۇيە ققس-نى قايتارۋدى اۆتوماتتاندىرادى جانە جەمقورلىق پەن الاياقتىق ىستەردىڭ الدىن الادى.

"ققس-نى قايتارۋدى جۇكتەۋ" جوباسى بانكارالىق اۋدارىمداردى وڭتايلاندىرادى. بۇل بانك جۇيەسى تيىمدىلىگىنىڭ ارتۋىنا اسەر ەتەدى جانە بيزنەس ءۇشىن پروتسەسسينگ باعاسىن تومەندەتۋ بويىنشا قولايلى جاعدايلار جاساۋعا مۇمكىندىك بەرەدى", - مكك وكىلدەرى.

ەگەر بلوكچەين تەحنولوگياسىن ەنگىزۋ ءساتتى اياقتالار بولسا، قارجى مينيسترلىگى سالىقتىڭ بارلىق تۇرلەرىن اكىمشىلەندىرۋ ءۇشىن تەحنولوگيانى پايدالانۋدى ارتتىرادى.

"بۇل حالىقتىڭ كىرىستەرىن دەكلاراتسيالاۋ پروتسەسىن وڭتايلاندىرۋعا مۇمكىندىك بەرەدى. بيزنەس جۇرگىزۋدە، ينۆەستيتسيالاردى تارتۋدا جانە سالىق بازاسىن ۇلعايتۋدا ەلدىڭ تارتىمدىلىعى ارتادى. وسى جوبالاردىڭ ءساتتى جۇزەگە اسۋى جەكە كريپتوۆاليۋتانى پايدالانۋدىڭ جاڭا ءبازيسىن قۇرادى", - دەيدى ۆەدومستۆو وكىلدەرى.

ايتا كەتەيىك، بۇدان بۇرىن  قازاقستاندا ارنايى جۇمىس توبى كريپتوۆاليۋتا ترانزاكتسيالارىن رەتتەيتىن زاڭ جوباسىن ازىرلەپ جاتقانى تۋرالى حابارلانعان. جۇمىس توبىنا "استانا" حالىقارالىق قارجى ورتالىعى، "دەلويت", Waves, Juscutum جانە "كەسارەۆ كونسالتينگ" سىندى ۇيىمدار كىرەدى.

“The Qazaq Times”