فوتو: Reuters

كەنيادا پرەزيدەنت سايلاۋى قايتادان وتەدى. جۋىردا وتكەن سايلاۋ قورىتىندىسىنا نارازىلىق تانىتقان وپپوزيتسيا تاراپىنىڭ سوتقا بەرگەن شاعىمى قاناعاتتاندىرىلىپ، وسى جىلدىڭ 1 قاراشاسىنا دەيىن جاڭا سايلاۋ وتكىزۋ تۋرالى شەشىم شىعارىلدى. بۇل تۋرالى BBC اقپاراتتىق اگەنتتىگى جازدى. 

جاڭا سايلاۋ 17 قازان كۇنى وتەتىن بولىپ بەلگىلەندى. دەگەنمەن، جوققا شىعارىلعان سايلاۋ قورىتىندىسىنا ساي، حالىقتىڭ 45 پايىز داۋسىنا يە بولىپ، جەڭىلىس تاپقان رايلا ودينگا، جاڭادان وتەتىن سايلاۋدا باعىن قايتا سىناپ كورۋدەن باس تارتتى.

اتاپ ءوتۋ كەرەك، كەنيادا وتكەن پرەزيدەنت سايلاۋىنىڭ ناتيجەسى بويىنشا، مەملەكەت باسشىسى بولىپ سايلانعان ۋحۋرۋ كەنياتا سوت شەشىمىمەن كەلىسپەي، نارازىلىق بىلدىرگەن بولاتىن.

“The Qazaq Times”