فوتو: ۋكراينا 112

بەلارۋس ۋكراينانىڭ تەك ءسوز جۇزىندەگى ارىپتەسى، دەدى ۋكراينا سىرتقى ىستەر ءمينيسترىنىڭ ورىنباسارى ەلەنا زەركال.

ەلەنا زەركال «5 كانال» تەلەارناسىنا بەرگەن سۇحباتىندا: «مەنىڭ ويىمشا قازىر بەلارۋس بويىنشا جاۋاپقا قاراعاندا سۇراقتار وتە كوپ. بەلارۋس ءسوز جۇزىندە ارىپتەس بولعانىمەن ءىس جۇزىندە مۇلدە باسقا قادامدار جاساۋدا» - دەگەن.

زەركال بۇدان بولەك بەلارۋستاعى ۋكراينا ازاماتتارىنىڭ قاۋىپسىزدىگىنە دە الاڭدايتىنىن ايتقان. ويتكەنى بۇعان دەيىن بەلارۋس اۋماعىندا ۋكراينا قوعامدىق رادا مۇشەسى يگور گريبتىڭ 19 جاستاعى ۇلى جوعالىپ كەتكەن بولاتىن. ول ۇلىنىڭ ءىز-ءتۇسسىز كەتۋىن رەسەيدىڭ فەدەرالدى قاۋىپسىزدىك قىزمەتىنىڭ (فسب) قاتىسى بار دەپ مالىمدەگەننەن كەيىن، ۋكراينا ءسىم بەلارۋسقا نوتا جىبەرگەن. بىراق بەلارۋس تاراپى بۇل نوتاعا ماردىمدى جاۋاپ بەرمەگەن.

“The Qazaq Times”