*       *        *

كوڭىلىمنىڭ جىرتىعىن جاماپ-جاسقاپ

جىلى ۇيىق،

جەل بەتىمنەن يىسكەيدى، كولەڭكەمەن

قىمتاپ اپ.

قايقاڭ باسقان جايتاڭ جاز – جاس ارۋداي جىميىپ،

رايحان سەڭگىر اسپاندا مۇنار اۋناپ،

بۇلت ابات.

ءسولسىز قۇراق ۇشىنان ءوڭسىز شىراق سونگەن بە؟!

اق پەيىل كۇن تۇنجىرار

قايتقان قۇستىڭ زارىنان.

جاپىراقپەن قوشتاسىپ جازدىڭ ءيىسىن

كومگەندە،

قابىرعاسى تىرجىڭداپ نار بۇتالار ارىعان؟!

باسپاسا دەپ تىلەيدى-ە-ە-ە...

باياعىداي قىرعىن قار،

بيىكتەردىڭ زىلىنەن ىعىپ كەلگەن جازعى ۇندەر،

كيىكتەردىڭ كوزىندە بولماشى ءبىر

كىربىڭ بار...

توزعان ساعات سەكىلدى توقىراپ تۇر از كۇندەر...

26 قازان

 

*       *        *

تاعدىر قولدى بۇعاۋلادى... وتكىزبەدى ءبىر دە

ادىم،

كوز الدىمدا تۇيىق جولدار، تۇيىق

جولدار شىرماعى.

تابانداعى سانسىز،

جانسىز قىزىق قۇمداعى.

ءومىر ونىڭ بارلىق ءوڭىن، بارلىق ءىزىن

ۇرلادى.

ورمەكشىنىڭ جورمەگىندە كۇن تىلكىمى سۇزبە عىپ،

سامايداعى قىلاۋلارداي ول، - وتكەن شاق كۇزدەگى.

القا تاققان مويىنداعى قامىت تابى – اعىتساڭ،

كىرپىگىڭنەن قالىقتايدى ۋاقىتتىڭ تىزبەگى

بوز ۋاقىت شۋداسىندا بولىمسىز بوز شاڭىت بار؟!

شاڭىراقتان ۇشقان شۋاق قۇشىپ قارا جەر بەتىن،

سۇمبىلەنىڭ سۇلكىنىندە سۇلدەرى كوك

تابىتتار.

تالىپ اققان تاس بۇلاقتار تاس جۇرەگىن تەرلەتىپ،

ساعان قاراپ قول سوزادى قولايسىز مىڭ باعىتتار.

2016, قازاننىڭ 3-ءى

 

داۋىل. قاراشا. ۇركۋ

 

كوكپەك كۇلكى جوعالدى، جىلاپ-جىلاپ

جاز كەتتى...

ءبۇرلى ارشانىڭ ءبۇيىرىند-ە-ە-ە ەڭكىل سايدىڭ ءۇرى ءجۇر،

سەن.

كۇز بۇعاعى سالبىراپ ءتۇز يىرىمىنەن

ساز بەتتى؟

ۋىسىنان ارىقتىڭ سۋ شاشادى كۇرسىنگەن.

ءتۇر، مۇسىندەر، سىقپىتتار سۇرەڭ-سۇرەڭ

سۇرەيلى ءوڭ

ماڭدايىندا ارقاردىڭ جاداۋ شالقىپ

ماي شامدال...

قورقۋ، قۋعىن، ۇركۋمەن قالقي ۇشقان ۇرەيلەر،

اي سۇتىنە مالىنىپ، ايران مايساڭ،

اي سانعال

كوبەلەكتىڭ قاناتى – كوكشىل ورنەك سيالى ءار،

توڭىرەگى ءبىرتۇرلى وشكەن، كەتكەن ءوڭىر كەڭ؟!

جازعى يىگەن ورىندا موردەي-موردەي

ۇيالار،

قاراشانىڭ قاھارىن قايتارادى

كوڭ ىرگەڭ!!!

الىستاعان داۋىستار ءبىرى – ايانىش،

ءبىرى – سەن

توڭعان تالدىڭ تۇبىندە تورعاي عانا بۇرسەڭ؟..

2016 قازاننىڭ 3-ءى

كولەڭكە

 

قارا قارعا شوقيدى قاتقاق قارا

ميىڭدى...

قاۋىزىنا جاسىرىپ قانىڭدى

اپپاق سۇلىنىڭ،

ۋاقىتتى شوگەرىپ قالدىرعاندا كيىمدى

ۋىسىما ساقتاعام كولەڭكەنىڭ جۇلىمىن.

تەرىس قاراپ وتەتىن كۇندەرىڭىز، زيىندى

كەبىس جالاپ كەشەگى – ناعىز ارام زۇلىمىڭ...

وۋ، قۇدايىم، ايتامىن سىزگە عانا كۇيىمدى؟!

...شىن وسىناۋ ءبىز دەگەن – قاي ءداۋىردىڭ قۇلىمىز؟

كىمگە امانات ەتەمىز زامان بەرگەن قيىندى.

كىم ولشەيدى ماڭگىلىك كولەڭكەنىڭ قالىڭىن

مۇمكىن ونىڭ استىندا كۇن اشپاعان

ءجۇر شۋاق،

ءبىزدىڭ ىستىق جانىمىز – مۇزدىڭ ىستىق جالىنى!

جىر جامىلىپ جەتەر-ءدى ءتۇن شەتىنەن قىرشىپ اپ؟!

قالىڭدىق پەن كولەڭكە ءتۇبىرى ءبىر... جاڭا ۇعىم.

بۇدان بۇرىن سانانى مازالاعان سۇراق

كولەڭكەسىز عالامنىڭ تولۋى ما،

بۇگىن؟؟؟

تۇنشىعامىن قىڭسىلاپ...

2016, قازاننىڭ 24-ءى

 

*       *        *

تاۋ ەسىنەپ، اي كىدىرىپ كىسىنەسە ايعىر ءسات،

ايقاي-شۋمەن شوق ىشىندە بۇعىپ

قايران تىلسىمدىق.

قيراپ، تالعان وتىرارداي وپىرىلعان

قايعى ىنساپ!

ەن كەۋدەنىڭ ەڭ تۇبىنەن «بەبەۋ-ل-لەيدى كىل سۇمدىق!!!»

ايعىر ءساتتىڭ ارقىراۋى – قاق ايىرىلعان شىڭعىرى،

كوك پەن ەستىڭ اراسىندا كەشكى رەڭدەي ايىرىم ساپ،

شىڭىراۋدان ەستىلەردەي ونىڭ ەمىس مىڭگىرى...

سول مىڭگىردى جەل جۇلقىلاپ، جەر جۇتادى

ماي قۇرساق

قۇرساقتاعى قۇم ساعاتتى نە بولادى

قيسا ادام؟

كوكىرەگىندە كورىگى جوق، كومىرى كوپ كوسەممەن،

جارىق، ۋاقىت، جارىم قيسىن، جاماۋ-جاماۋ

مي سانا.

قاپ-قاراڭعى كۇز جاتار-دى قاراشانى توسەنگەن؟!

تۇسىمىزگە كىرەدى اي مەن تاڭعاجايىپ

جارىق كۇن

تۇمشا قالىڭ قاراڭعىعا قاڭعىپ بارىپ كىم كىرگەن،

جۇلدىز اعىپ قاق جارعانداي

قاراشىعىن عارىپتىڭ،

وڭشەڭ باسسىز جەرىكتەردىڭ اراسىندا ءجۇرمىن مەن.

2016, قازاننىڭ 22-ءى

 

*       *        *

قۇلاعىما جابىسسا قۇرمانعازى كۇيلەرى،

اي قاشادى اسپاندا

ءولى قالا گۋىلى – ولىمسىرەپ ۇيلەرى،

مەڭىرەيگەن اعاشتار،

تيتىقتاعان جەلدى ەمىپ،

قارا كوزدىڭ ىشىندە قارا ءىڭىر تۋ ءىلىپ...

مولدىرەگەن جۇلدىزدان مولتەڭدەگەن

ءنار ءىشتىم،

قىران كۇلكى سەبەدى قىزدارى كەپ عارىشتىڭ!

قايران تانىس بۇتاقتار اي دەمىمەن

جۋىنىپ

ءولى قالا گۋىلى...

اۋىق-اۋىق قار ۇشقىن.

2016, قازاننىڭ 24-ءى

 

*       *        *

قاراشىعىم دالانىڭ ۋىسىندا ءتۇيىسىپ،

قالام ۇشى قىلاۋلاپ – قۇراۋ-قۇراۋ سىرنايلار،

تامشىسىنداي جاڭبىردىڭ

جالعىزدىقتىڭ ءيىسى –

كىرپىگىمە قوناقتاپ ۇركىپ كيىك كۇزگى ايلار،

سەنىڭ قارا بۇرىمىڭ – قارا شۋاق

ۇيىسىپ،

شوكىم-شوكىم ويلاردى تىستەي قاشقان جۇلدىزدار،

جاپىراقتار حات جازعان...

وكپەلەگەن مي ءىشى،

كەزىپ ءوتىپ ەلەڭىم، كەزبە ولەڭ مەن تۇنگى ىزعار؟!

قاراشىققا سىڭىرگەن مىڭ اياني باقىت بار،

ىشتەن شىققان تۇرەن – شۋ، ىشتە ۇلىپ ۇزىك ءۇن،

دىرىلدەيدى سيىقسىز جاتقان قيىق ۋاقىتتار،

عۇمىر – دەيمىز تۇيىقسىز الاقاننىڭ سىزىعىن

سول عاجايىپ سىزىقتار ۋىسىمدا ءتۇيىسىپ،

ىرعاق ەتىپ كەلەمىن دۇنيەنىڭ قىزىعىن.

2016, قازان

 

*       *        *

تاۋدىڭ باسىن بۇلت جاماپ، جەلگە

ەلەكتەپ،

كولەم كوكشىل كولەڭدە-ە-ەپ، كوگەندە - ولەڭ.

قاز-قاز تۇرىپ، ءتاي باسىپ

سەندەلەكتەپ!

وڭشەڭ ءورىم تالداردا اي

بولەنگەن ءوڭ...

وو-و-ۋ، پەرى جەل، تەربەيدى ەڭ بەي دەممەنەن،

ەمىرەنگەن جازىم كە-ە-ەڭ، جۇرتىمدا

ەسكى ءۇن،

بالا كۇنگى جىرتىق جەڭ جەيدەممەنەن،

ەتەگى رەڭ – ەرمەننىڭ ىرقىندا ءوستىم؟!

دالا-ا-ام، كوزگە تامىزىپ جاڭالىقتى ءار،

ەس-ءتۇسىمدى ەسەيتتى-ە-ەي، بۇل ءتۇن مەنىڭ؟!

قارا وتكەلگە سۇڭگىپ اپ الا بۇلتتار

قاسقا ايعىرداي كوردىڭ بە سىلكىنگەنىن؟

ەڭ ءۇر سۇگىرەتتەر ەنتەلەپ:

ەلەڭ ءىشىن،

سۋ قارا شاش، سۇلۋ ءتۇس، ءۇلپىل كەرىم،

ءورت الاۋلى اق قۇستار كەلەدى ۇشىپ،

ومىرىمدەي، ەڭ سوڭعى – مۇمكىن مەنىڭ؟!

2016, قازان

 

*       *        *

تاپجىلماي مىڭ عاسىر – قاعىلعان

قازىقتاي تۇرعانى

ءبىر جاعى كولەڭكە، كۇن شالعان – اياداي

ەكىنشى ءبىر بەتىن،

ءوزىنىڭ ساۋساعى – وزەگىن قاۋسىرىپ، ءوڭىرى –

ءوز ءوڭى وزىمەن شىرمالىپ،

قۇلاعى بىتەلگەن – ەستىمەي قۇدايدىڭ قۇرمەتىن، قۇدىرەتىن.

تەك عانا القىمى ىسىنگەن، تاياعى مورت سىنعان باياعى

سۇگىرەتى.

الىستاپ – ءبىر شاعى، جاقىنداپ – كەلمەيتىن نۇر ساعىم،

قاتىگەز ۋاقىتتار بولمىسىن توزدىرىپ،

بوياۋىن كىرلەتىپ

قاراڭعى تۇمشالاپ قاباعىن، كوزىنىڭ قاراسىن،

بۇرشاعىن

سان سۇراق قۇرساعى – شانشىلعان مۇردە تىك؟!

قىرپۋسىز، قارقىنسىز، اياڭسىز تۇساۋلى قىرىس ادىم؟!

قىرسىعىن تاڭىردەن – قۇلشىنىپ كورمەگەن

تۇكىرگەن قۇسالى،

پاڭ شىعىس كۇرسىنىپ، كۇللى جانارلار جابىعىپ جەر باسقان تىرشىلىك نىشانى...

مىسالى: عايىپتىڭ دەمىمەن جانى ادا،

قۇس بولىپ ۇشادى تىنىسى؟!

قارالا تامىرلار بۇلقىنىپ دالادا،

قاپ-قارا قان سىعىپ؟؟؟

قايمانا ءداۋىردىڭ بولمىسى – جۇرناعى:

تۇر مۇندا وزىنە شىرمالىپ شانشىلىپ.

2016, قاراشا

 

*       *        *

ولەڭدەر ورتەلىپ، ولەڭدەر ءتۇتىننىڭ ىشىندە،

وزىڭە ەستىلىپ، بۇرالقى ۇلىعان

ارلاندار...

ەلەستەر قورعالاپ اينالاڭ – كورىنگەن پىشىننەن،

قىپ-قىزىل كوزدەرى قانتالاپ،

تىلدەرى جالاقتاپ، جالماڭداپ،

شالقىعان  جالىندا ءسۇيسىنىپ ولەرمەن تۇيسىگىڭ!!!

راقىم تىلەمەي ارلانعان،

ايارسىز جالعاننان،

پەرنەسىن قۋالاپ ساۋساعى دىرىلدەپ كۇيشى – مۇڭ،

وسىنىڭ بارىندە ونداعان ءتۇيىسىم،

وڭباعان قيىسىم...

تاعى دا جەتكەنىڭ – جەتىنشى تۇيسىگىڭ،

ساعىنىش مايدانى – مي ءىشى،

قايتىس بوپ كونەرگەن سىلەمدەر –

جىلقىنىڭ ءىزىنىڭ ءيىسى.

2016, قاراشا

 

*       *        *

...ءبىزدىڭ عالام شىرقايتىن ەڭ مۇڭلى اۋەن –

شۇلعىپ قۇر،

كىرپىگىڭدى ۇشىندا – قاراڭعى ءتۇن ىرعاعى،

سۇلكىنىمە ۇسىنعان تاڭدار تۇرگەن

تۇندىك بۇل؟!

سول ساۋەننىڭ دامىمەن كۇللى دالا مۇلگىپ تۇر.

ءبۇرلى تالدىڭ بويىندا ءتۇرلى ۇندەر ءبۇر جارىپ

جاپىراقتىڭ جۇعىنى سىڭگەن نالا –

مۇڭىم ءجۇر.

اي شىراعى ىرگەدە، اق ۇيلەرگە شىرمالىپ،

ماڭ توبەتتىڭ ۇرگەنى – تاريحتاي بۇلىڭعىر.

-نەگە جىلاي بەرەمىن، نەگە ەگىلدىڭ،

مۇنىڭ نە-ە-ەي؟

بۇلت شەتىنە ىلىنگەن، بۇيرا-بۇيرا جۇلىم نۇر؟؟؟

اجەم جاتقان بەيىتتەن جەل ەسەدى جىلى ۇندەي،

قىزىل كيگەن جيەكتە ۇزىن شوقتىق ءىڭىر – جىر!

«ەرتە، ەرتە، ەرتە...» - دەپ ەرتەك ايتقان بەلەگىر

قاشان قايتقان قالىڭ مۇڭ، قايماعىنا قايرانمىن؟

شاشاسىندا ءتاڭىردىڭ قۇستار ءوسىپ كەلەدى...

قايران ءتۇننىڭ قايىرىمدى كەرمەسىنە بايلاندىم

بەلۋاردان مالتىققان اۋەن جۇققان دەنەنى،

كونە، كونە قوبىزداي سارناتادى ەلەڭىم.

2016, قاراشا

 

*       *        *

قۇستار الا تولقىندا، ءجۇر اداسقان،

كىم بىلەدى؟

ال سودان جىلادى اسپان.

كەمپىرقوساق كەرمەسى كەرىلىپ ەد

كەڭىستىك! دەپ شۋ ۇشتى ءبىر اعاشتان.

ۇزا-ا-اق ءبىر ءمان ۇيالاپ قىش اق تاستا،

جاپ-جالاڭاش دەنەلەر قۇشاقتاسقان.

تاۋ ءۇرىپ تۇر...

سولاي ما؟

ءتاۋىر... ۇقتىق،

«بۇل باياعى شىڭ» دەپ ءتۇز داۋرىقتى،

ءبىز وياندىق، ەشبىر جاق، جەردە ەمەسپىز

قۇز ساۋىرىن كەمىرىپ ساۋىرىك قۇر،

ەن كەڭىستە... ەڭسەسىز، جەل مەن ەس ءتۇس...

بەۋ، مۇندا ەستۋ، سەزۋ كەرەك ەمەس،

كەلدىڭ بە،

ەڭ مەرەيلى اتاۋلى كۇن؟

كەرەمەت! ءۇنسىز تىلسىم كەرەڭ-ەلەس،

شەڭبەرسىز شەڭگەلىندە ماتاۋلىمىن.

جىر ىزدەپ، شىر اينالىپ مالداس قۇرىپ،

مىڭ ىزبەن سولاي تىربىڭ، العا ىشقىنىپ؟!

ءبىر جارىق ءبىر عارىپتى جۇباتادى،

كۇن مەنەن شام اراسىن جالعاستىرىپ؟

قيىن، ويلارمەن ورتەنگەن

زيىن جۇرەك -

قايداعى وتكەن-كەتكەن ميىڭدى جەپ...

2016, جەلتوقسان

«The Qazaq Times»