رەسەي قالالارىنداعى ءورت. فوتو: پياتىي كانال.

ءبىر كۇنى بۇرىن، رەسەيدىڭ ۆولگوگراد جانە روستوۆ وبلىستارى ءورت اپاتىنان اۋىر زارداپ شەككەنى تۋرالى حابارلاندى. رەسەي پرەزيدەنتى ۆلاديمير پۋتين ءورت سەبەبىن مۇقيات تەرگەۋدى تاپسىردى جانە قاساقانا ءورت قويۋ ءىسىنىڭ مۇمكىندىگىن جوققا شىعارمايتىنىن ايتتى. بۇل تۋرالى رەسەيدىڭ «نوۆوستي» اگەنتتىگىنە سىلتەمە جاساي وتىرىپ «People» باسىلىمىنىڭ ونلاين قىزمەتى حابارلايدى.

روستوۆ نا دونۋ قالاسىندا بولعان ورتتەن كەمىندە 120 عيماراتتىڭ زيانعا ۇشىراعان. ونىڭ ىشىندە 100-دەن استامى تۇرعىن ۇيلەر. ازىرگە دەيىن ءورت سالدارىنان ءبىر ادامنىڭ قازا تاپقانى تۋرالى ءمالىم بولعان. رەسەي توتەنشە جاعدايلار دەپارتامەنتىنىڭ وكىلى ءورتتىڭ قاساقانا قولدان جاسالۋ ىقتيمالدىعى جوعارى ەكەنىن ايتتى.

وتكەن اپتادا، 23 تامىز كۇنى رەسەيدىڭ ۆولگوگراد وبلىسىندا ءورت اپاتى بولىپ، مەملەكەت بويىنشا توتەنشە جاعداي جاريالانعان بولاتىن. ءورتتى تىزگىندەۋگە 6,5 مىڭ ادام كۇش سالعان. ۆولگوگراد گۋبەرناتورى بوكاروۆتىڭ سوزىنشە، ءورت تۋدىردى دەگەن كۇدىكتى قاماۋعا الىنىپ، كىناسىن مويىنداعان. وعان قوسا ول وزگە دە كۇدىكتى ادامدار بار ەكەنىن دە ايتقان.

“The Qazaq Times”