فوتو: Sputnik قازاقستان

2017 جىلعى 1 تامىزداعى جاعداي بويىنشا زەينەتاقى جيناقتارىنىڭ جالپى سوماسى 7,27 ترلن تەڭگە بولدى. جىل باسىنان بەرگى ءوسىم 588 ملرد تەڭگەنى (8%) قۇرادى، دەپ حابارلايدى قوردىڭ ءباسپاسوز قىزمەتى.

2017 جىلعى 1 تامىزدا شارتتاردىڭ بارلىق تۇرلەرى بويىنشا سالىمشىلاردىڭ (الۋشىلاردىڭ) جەكە زەينەتاقى شوتتارىنىڭ (جزش) سانى 10,09 ملن بىرلىك، ونىڭ ىشىندە مىندەتتى زەينەتاقى جارنالارى (مزج) ەسەبىنەن 9,62 ملن بىرلىك بولدى. مىندەتتى كاسىپتىك زەينەتاقى جارنالارى (مكزج) بويىنشا سالىمشىلاردىڭ جزش سانى 430,3 مىڭ بىرلىكتى، ال ەرىكتى زەينەتاقى جارنالارى (ەزج) بويىنشا 39,83 مىڭ بىرلىكتى قۇرادى.

2017 جىلعى شىلدەدە كەلىپ تۇسكەن جارنالاردىڭ جالپى سوماسى 59,5 ملرد تەڭگەگە جەتسە، ونىڭ ىشىندە مىندەتتى زەينەتاقى جارنالارىنىڭ سوماسى 56,7 ملرد تەڭگەنى قۇرادى.

2017 جىلدىڭ باسىنان بەرى سالىمشىلاردىڭ جەكە زەينەتاقى شوتتارىنا ەسەپتەلگەن تازا ينۆەستيتسيالىق تابىس سوماسى 297,06 ملرد تەڭگە بولدى. اعىمداعى جىلدىڭ 1 تامىزىنداعى جاعداي بويىنشا بجزق زەينەتاقى اكتيۆتەرىنىڭ تابىستىلىعى جىل باسىنان بەرى 4,3 پايىزدى قۇرادى. وسى كەزەڭدە ينفلياتسيا دەڭگەيى 3,8 پايىز بولدى.

2017 جىلدىڭ باسىنان بەرى بجزق-دان تولەنگەن زەينەتاقى تولەمدەرىنىڭ سوماسى 134,31 ملرد تەڭگە، ونىڭ ىشىندە ساقتاندىرۋ ۇيىمدارىنا جاسالعان اۋدارىمدار 16,13 ملرد تەڭگە بولدى. سالىستىرىپ قارايتىن بولساق، وتكەن جىلدىڭ سايكەس كەزەڭىندە بجزق-دان شامامەن 106,58 ملرد تەڭگە تولەنگەن، ونىڭ ىشىندە ساقتاندىرۋ ۇيىمدارىنا جاسالعان اۋدارىمدار 10,95 ملرد تەڭگەنى قۇراعان.

سالىمشى ءوزىنىڭ جزش-سىنداعى زەينەتاقى جيناقتارىنىڭ جاي-كۇيى تۋرالى (ونىڭ ىشىندە ەسەپتەلگەن ينۆەستيتسيالىق تابىس تۋرالى) اقپاراتتى بجزق-نىڭ 231 دەربەس قىزمەت كورسەتۋ ورتالىقتارىنىڭ بىرىنەن، سونداي-اق پوشتا بايلانىسى، ەلەكتروندىق پوشتا، بجزق سايتى نەمەسە ۇيالى قوسىمشا ارقىلى الا الادى.

2017 جىلعى 1 تامىزداعى جاعداي بويىنشا 769 مىڭ ادام زەينەتاقى شوتى بويىنشا ءۇزىندى-كوشىرمەنى ەلەكتروندىق مەكەنجايىنا الادى. ال 3,5 ميلليونعا جۋىق ادام بۇل ءۇشىن قوردىڭ رەسمي سايتىن نەمەسە ءارتۇرلى وپەراتسيالىق جۇيەلەردە جۇمىس ىستەيتىن سمارتفوندار مەن پلانشەتتەرگە ارنالعان «ENPF» ۇيالى قوسىمشاسىن پايدالانا الادى.

“The Qazaq Times”