Foto: Sputnik Qazaqstan

2017 jılğı 1 tamızdağı jağday boyınşa zeynetaqı jinaqtarınıñ jalpı soması 7,27 trln teñge boldı. Jıl basınan bergi ösim 588 mlrd teñgeni (8%) qwradı, dep habarlaydı qordıñ baspasöz qızmeti.

2017 jılğı 1 tamızda şarttardıñ barlıq türleri boyınşa salımşılardıñ (aluşılardıñ) jeke zeynetaqı şottarınıñ (JZŞ) sanı 10,09 mln birlik, onıñ işinde mindetti zeynetaqı jarnaları (MZJ) esebinen 9,62 mln birlik boldı. Mindetti käsiptik zeynetaqı jarnaları (MKZJ) boyınşa salımşılardıñ JZŞ sanı 430,3 mıñ birlikti, al erikti zeynetaqı jarnaları (EZJ) boyınşa 39,83 mıñ birlikti qwradı.

2017 jılğı şildede kelip tüsken jarnalardıñ jalpı soması 59,5 mlrd teñgege jetse, onıñ işinde mindetti zeynetaqı jarnalarınıñ soması 56,7 mlrd teñgeni qwradı.

2017 jıldıñ basınan beri salımşılardıñ jeke zeynetaqı şottarına eseptelgen taza investiciyalıq tabıs soması 297,06 mlrd teñge boldı. Ağımdağı jıldıñ 1 tamızındağı jağday boyınşa BJZQ zeynetaqı aktivteriniñ tabıstılığı jıl basınan beri 4,3 payızdı qwradı. Osı kezeñde inflyaciya deñgeyi 3,8 payız boldı.

2017 jıldıñ basınan beri BJZQ-dan tölengen zeynetaqı tölemderiniñ soması 134,31 mlrd teñge, onıñ işinde saqtandıru wyımdarına jasalğan audarımdar 16,13 mlrd teñge boldı. Salıstırıp qaraytın bolsaq, ötken jıldıñ säykes kezeñinde BJZQ-dan şamamen 106,58 mlrd teñge tölengen, onıñ işinde saqtandıru wyımdarına jasalğan audarımdar 10,95 mlrd teñgeni qwrağan.

Salımşı öziniñ JZŞ-sındağı zeynetaqı jinaqtarınıñ jay-küyi turalı (onıñ işinde eseptelgen investiciyalıq tabıs turalı) aqparattı BJZQ-nıñ 231 derbes qızmet körsetu ortalıqtarınıñ birinen, sonday-aq poşta baylanısı, elektrondıq poşta, BJZQ saytı nemese wyalı qosımşa arqılı ala aladı.

2017 jılğı 1 tamızdağı jağday boyınşa 769 mıñ adam zeynetaqı şotı boyınşa üzindi-köşirmeni elektrondıq mekenjayına aladı. Al 3,5 millionğa juıq adam bwl üşin Qordıñ resmi saytın nemese ärtürli operaciyalıq jüyelerde jwmıs isteytin smartfondar men planşetterge arnalğan «ENPF» wyalı qosımşasın paydalana aladı.

“The Qazaq Times”