«ءجۇز جىلدىق جالعىزدىقتى» قازاقشا سويلەتكەن قالامگەر قايتىس بولدى

بۇگىن بەلگىلى قالامگەر، اۋدارماشى، كوسەمسوز شەبەرى، قازاقستاننىڭ ەڭبەگى سىڭگەن قايراتكەرى كەڭەس يۋسۋپ 76 جاسىندا ومىردەن وزدى.

قازاق ادەبيەتىنىڭ كوركەم اۋدارما سالاسىندا ءىرى ارىپتەرمەن اتى جازىلار قالامگەر كەڭەس ءسىلامحانۇلى يۋسۋپ، 1941 جىلى 30 ماۋسىمدا  شىعىس قازاقستان وبلىسى ۇلان اۋدانى بايمۇرا اۋىلىندا ومىرگە كەلگەن.

ك.يۋسۋپ سەمەي وزەنشىلەر ۋچيليششەسىندە وقىدى. قازاق مەملەكەتتىك ۋنيۆەرسيتەتىن ءتامامدادى. 1968 - 1996 جىلدارى شىعىس قازاقستان وبلىستىق «كوممۋنيزم تۋى»، «سوتسياليستىك قازاقستان» گازەتتەرىندە، «قازاقستان كوممۋنيسى»، «ءجۇلدىز» جۋرنالدارىندا ءبولىم مەڭگەرۋشىسى، جاۋاپتى حاتشى قىزمەتتەرىن اتقارعان. 1997 جىلدان قازاقستان پرەزيدەنتى ءباسپاسوز قىزمەتىنىڭ باس ساراپشىسى قىزمەتىن اتقاردى.

«اقيقات ساپارى»، «قاراشاداعى كوكتەم»، «وحاپكا پولەۆىح تسۆەتوۆ» اڭگىمەلەر مەن پوۆەستەر جيناقتارىنىڭ اۆتورى. سونداي-اق، «انىقتاما سوزدىگى»، «ەكى تىلدە ءىس جۇرگىزۋ»، «جەلقايىق»، «قۇجات ءتىلى» كىتاپتارى جارىق كورگەن. 1983 جىلى گابريەل گارسيا ماركەستىڭ «ءجۇز جىلدىق جالعىزدىق» رومانىن، جاس بولگار جازۋشىلارىنىڭ «گۇلجازيرا» اڭگىمەلەر مەن پوۆەستەر جيناعىن قازاق تىلىنە اۋدارعان.

“The Qazaq Times”