فوتو: Droider

Samsung Electronics كومپانياسىنىڭ ۆيتسە-پرەزيدەنتى لي چجە ەن بەس جىلعا باس بوستاندىعىنان ايىرىلدى – دەپ حابارلايدى Yonhap اقپارات كوزى.

سەۋل قالاسىنىڭ سوتى Samsung كومپانياسىنىڭ باسشىسىن جالعان كۋاگەرلىك ەتۋ، جەمقورلىق، پارا بەرۋ ايىپتارى بويىنشا كىنالى دەپ تانىپ، بەس جىلعا باس بوستاندىعىنان ايىرعان.

وڭتۇستىك كورەيا باس پروكۋراتۋراسىنىڭ مالىمەتىنشە، لي چجە ەن وڭتۇستىك كورەيانىڭ اتى شۋلى پرەزيدەنتى پاك كىن حە ۇكىمەتىنە 6,38 ميلليون دوللار كولەمىندە پارا بەرگەن. ول ءوزىنىڭ اكەسى لي كۋن حي ولگەننەن كەيىن Samsung Grوup-تى تولىقتاي ءوز يەلىگىنە الىپ قالۋعا رۇقسات الۋ ءۇشىن پاك كىن حە بيلىگىنە 43,3 ميلليون دوللار پارا ۇسىنعان. بىراق لي چجە ەن باس پروكۋراتۋرا تاققان بۇل ايىپتاردىڭ ەشقايسىسىمەن كەلىسپەيتىنىن ايتقان.

لي چجە ەن 2016 جىلدىڭ جەلتوقسان ايىندا ەل پارلامەنتى پاك كىن حەگە يمپيچمەنت جاريالاعاننان كەيىن ءۇش ايدان سوڭ 2017 ءجىلدىڭ اقپان ايىندا قاماۋعا الىنعان.

“The Qazaq Times”