شىلدە ايىندا دوللار ساتىپ الۋشىلار كوبەيگەن

2017 جىلعى شىلدەدە حالىق نەتتو-نەگىزدە 196,5 ملرد تەڭگە سوماعا قولما-قول شەتەل ۆاليۋتاسىن (اقش دوللارى، رەسەي ءرۋبلى، ەۋرو)  ساتىپ العان. بۇل تۋرالى قر ۇلتتىق بانكىنىڭ ءباسپاسوز قىزمەتى حابارلادى.

قارجىنىڭ نەگىزگى كولەمى اقش دوللارىن ساتىپ الۋعا (69%) جۇمسالدى، رەسەي ءرۋبلىنىڭ جانە ەۋرونىڭ ۇلەسى تيىسىنشە 22% جانە 9% بولعان جانە الدىڭعى ايمەن سالىستىرعاندا بۇل شىعىستار 12%-عا ۇلعايدى.

"اقش دوللارىن جانە ەۋرونى ساتىپ الۋ شىعىستارى تەڭبە-تەڭ – ءاربىر
ۆاليۋتا بويىنشا 34%-عا ۇلعايدى، رەسەي ءرۋبلىن ساتىپ الۋ شىعىستارى 29%-عا تومەندەدى", - دەلىنگەن ءباسپاسوز حابارلاماسىندا.

باس بانكتىڭ اقپاراتىنشا، وسى جىلعى قاڭتار-شىلدەدە قولما-قول شەتەل ۆاليۋتاسىن ساتىپ الۋعا(نەتتو) 1,0 ترلن تەڭگە (اقش دوللارىنا – 57%، رەسەي رۋبلىنە – 31%، ەۋروعا – 12%) جۇمسالعان.

ال 2016 جىلعى قاڭتار-شىلدەدە قولما-قول شەتەل ۆاليۋتاسىن نەتتو-ساتىپ الۋ 150 ملرد تەڭگەنى قۇرادى، بۇل دەپوزيتتەردىڭ دوللارسىزدانۋى جانە تەڭگەنىڭ نىعايۋى اياسىندا وعان دەگەن سۇرانىستىڭ تومەندەۋىنە بايلانىستى بولدى.

ۇلتتىق بانكتىڭ مالىمەتىنشە، شەتەل ۆاليۋتالارىنا سۇرانىس كاسىپكەرلەر تاراپىنان، شەتەلگە تۋريستىك ساپارلار كەزىندە، شەتەلگە اقشا اۋدارۋدا، سونداي-اق، ەڭبەك ميگرانتتارىنىڭ اكەتۋىنە بايلانىستى پايدا بولعان.

ايتا كەتەيىك، شىلدە ايىندا جانە تامىز ايىنىڭ باسىندا دوللار بىردەن قىمباتتاپ كەتكەن بولاتىن. مۇنىڭ سەبەبىن نارىقتاعىلار اقش-تىڭ رەسەيگە سالعان سانكتسياسىنىڭ قازاقستانعا دا اسەر ەتۋىمەن ءتۇسىندىردى.

“The Qazaq Times”