فوتو: QT

2017 جىلدىڭ ءبىرىنشى جارتى جىلدىعىندا «قازاقستان حالىق بانكى» اق-نىڭ تازا تابىسى 2016 جىلعى 6 ايىمەن سالىستىرعاندا 38.1%-عا 78.9 ملرد تەڭگەگە دەيىن ءوستى. بۇل تۋرالى بانكتىڭ باسقارما توراعاسى ءۇمىت شاياحمەتوۆا ءباسپاسوز كونفەرەنتسياسى كەزىندە مالىمدەدى. 

سونداي-اق، كورسەتىلەتىن قىزمەتتەر بويىنشا تابىستارمەن كوميسسيالار 2016 جىلدىڭ 6 ايىنا قاراعاندا وسى جىلدىڭ التى ايىندا بانكتىڭ ترانزاكتسيالىق بيزنەسىنىڭ كولەمى ءوسۋ ناتيجەسىندە 8.6%-عا ءوسىپ، 30,8 ملرد تەڭگەنى قۇرادى. بۇل ءوسىم كوبىنەسە پلاستيك كارتالارعا قىزمەت كورسەتۋ، بانكتىك اۋدارىمدار مەن كليەنتتەرگە زەينەتاقىنى وتەۋ وپەراتسيالار بويىنشا بولدى.

قۇنسىزدانۋ رەزەرۆتەرىنە اۋدارۋعا دەيىنگى تازا پايىزدىق تابىس 2016ج. ءبىرىنشى جارتىجىلدىعىمەن  سالىستىرعاندا 25.6%-عا 105.3 ملرد تەڭگەگە دەيىن ءوستى.

بۇدان بولەك حالىق بانك بولشەك ساۋدا دەپوزيتى نارىعىندا 20,79% ۇلەسكە يە بولعان. دەگەنمەن جەكە تۇلعالار دەپوزيتى 2017 جىلدىڭ ءبىرىنشى جارتىسىندا تەرىس ديناميكانى كورسەتىپ (-0,3%) 1 407 ملرد تەڭگەنى قۇرادى.

“The Qazaq Times”