فوتو: inform.kz

حالىق بانك پەن Qazkom جانە التىن بانك ۇلتتىق بانكتىڭ ساۋىقتىرۋ باعدارلاماسىنا قاتىسپايدى. بۇل تۋرالى حالىق بانكتىڭ باسقارما توراعاسى ءۇمىت شاياحمەتوۆا ءباسپاسوز كونفەرەنتسياسىندا مالىمدەدى. 

"حالىق بانك تە، التىن بانك سىندى ەنشىلەس بانكتەر دە، Qazkom-دا ۇلتتىق بانكتىڭ بۇل باعدارلاماسىنا قاتىسپايدى. ءبىز وزىمىزدەگى پروبلەمالى كرەديتتەردىڭ ۇلەسىن كرەديتتەردى جابۋ، اكتيۆتەردى ساتۋ جانە  باسقا قۇرىلىمدار ارقىلى تومەندەتەتىن بولامىز", - دەدى شاياحمەتوۆا.

سونداي-اق، بانك باسشىسى Qazkom اكتسيونەرى بولىپ وتىرعاندىقتان حالىق بانك اتالعان بانكتىڭ بارلىق مىندەتتەمەلەرىنە جاۋاپ بەرەتىنىن اتاپ ءوتتى.

"قازىرگى تاڭدا Qazkom-نىڭ ديرەكتورلار كەڭەسىنەن باستاپ باسقارما مەنەدجمەنتى تولىق وزگەردى. قازىر ءبارى باقىلاۋدا. بانكتىڭ 99 پايىزعا جۋىق اكتسياسىنا يەلىك ەتەمىز... ەندى الداعى ۋاقىتتا حالىق بانكتىڭ دە، Qazkom مەنەدجمەنتىنىڭ دە العا قويعان مىندەتى - Qazkom-دى ودان ارى دامىتۋ ءۇشىن جاڭا ستراتەگيالاردى قۇرۋ. سونداي-اق، بۇعان دەيىن ايتىلعانداي، بانكتەر ەكى بولەك قارجى ينستيتۋتى رەتىندە جانە ەكى بولەك زاڭدى تۇلعا رەتىندە ساقتالادى", - دەدى حالىق بانك باسشىسى.

ايتا كەتەيىك، قر ۇلتتىق بانكى شىلدە ايىندا قازاقستانداعى ءىرى بانكتەردى قولداۋ باعدارلاماسىنىڭ باستالعانى تۋرالى حابارلاعان. باعدارلاماعا 500 ملرد تەڭگە جۇمسالۋى مۇمكىن جانە ول بانكتەردىڭ جيىنتىق كاپيتالى 1 ترلن تەڭگەگە جەتكەنشە 15 جىلعا سوزىلادى. باس بانك توراعاسىنىڭ ورىنباسارى ولەگ سمولياكوۆتىڭ سوزىنشە، الداعى 1,5 اي ىشىندە ۇلتتىق بانكتىڭ ەنشىلەس ۇيىمى ءاربىر بانكتى ساۋىقتىرۋعا قاتىستى جەكە جوسپار دايىندايدى. ۇيىم وسى جىلدىڭ تامىز-قىركۇيەك ايلارىندا ىسكە قوسىلىپ قالۋى مۇمكىن.

“The Qazaq Times”