Kaspi Bank-ءتىڭ باسقارما توراعاسى ميحايل لومتادزە بانكتىڭ جىل سايىن وتەتىن تانىستىرىلىمىندا Kaspi Maps, ونلاين اۋدارىمدار مەن Kaspi.kz-ءتىڭ ءموبيلدى قوسىمشاسىن تانىستىردى. ەندى وسى قوسىمشالار ارقىلى ءبىر كارتادان ەكىنشى كارتاعا ونلاين اۋدارىم جاساپ، Kaspi Maps ارقىلى بانكتىڭ وزىڭىزگە جاقىن تۇرعان بولىمشەلەرىن كورە الاسىز.
ء"بىزدىڭ كليەنتتەر بىزدەن اۋدارىمدار مەن ءموبيلدى قوسىمشانى جاساۋدى وتىنگەن. ءبىز بۇدان بولەك تاعى ءبىر ەرەكشە قىزمەتتى ىسكە قوسىپ وتىرمىز. ياعني KaspiMaps جانە بۇل ءۇش قىزمەتتى 22 ماۋسىم كۇنى ءبىر ۋاقىتتا ىسكە قوسامىز. قىزمەتتەر ءبىزدىڭ كليەنتتەر ءۇشىن وتە ءتيىمدى بولادى دەپ ويلايمىن", - دەدى ميحايل لومتادزە.
سونداي-اق، بانك باسشىسى تانىستىرىلىم كەزىندە ۇلكەن ەكران الدىندا قىزمەتتىڭ قالاي جىلدام جۇمىس ىستەيتىنىن كورسەتتى.
ء"بىز ءسىزدىڭ قالاڭىزداعى دۇكەندەر، بولىمشەلەر، بانكوماتتار جانە تەرمينالداردى كورستەتەتىن Kaspi Maps قىزمەتىن جاساپ شىعاردىق. ال بانكوماتتارعا كەلەر بولساق، ءبىز بارلىق بانكتەردىڭ بانكوماتتارى قايدا ورنالاسقانىن كورسەتە الامىز. بۇل دەگەنىڭىز KaspiGold كارتاسى ارقىلى كەز كەلگەن بانكوماتتان كوميسسياسىز اقشا شەشىپ الۋ كەزىندە وتە ءتيىمدى", - دەدى ول جاڭا قىزمەتتى تانىستىرا وتىرىپ.
سونداي-اق، Kaspi Maps قوسىمشاسىنان تەك جاقىن ماڭداعى بولىمشەلەردى عانا ەمەس، وندا كەزەك كۇتۋ ۋاقىتى قانشا ەكەنىن، بولىمشەلەردىڭ قاي ۋاقىتقا دەيىن جۇمىس ىستەيتىنىن بىلۋگە بولادى.
بۇدان بولەك ەندى KaspiGold كارتاسى ارقىلى كەز كەلگەن بانك كارتاسىنا ونلاين اۋدارىم جاساۋعا بولادى. مىسالى KaspiGold كاراتسىنان ەكىنشى ءبىر KaspiGold-قا قارجى اۋدارۋ تەگىن، ال باسقا بانك كارتالارىنا اۋدارىم بار بولعانى 0,95%-دى قۇرايدى.
ميحايل لومتادزە تانىستىرعان ءۇشىنشى قىزمەت - Kaspi.kz ءموبيلدى قوسىمشاسى. ەرەكشە ديزايندا جاسالعان قوسىمشا كليەنتتەر ءۇشىن وتە ءتيىمدى جانە قاۋىپسىز. سونداي-اق ءموبيلدى قوسىمشا ارقىلى Kaspi Red كلۋبىنداعى ساۋدا جاساۋعا ارنالعان ليميت كولەمىن 150 مىڭ تەڭگەگە دەيىن ارتتىرۋعا بولادى.
سونداي-اق، بانك باسشىسى اتاپ وتكەندەي، جەكە اتىڭىزعا جاسالاتىن Kaspi Gold كارتاسىن ەندى 10 كۇن كۇتۋدىڭ قاجەتى جوق. بار بولعانى 15 مينۋتتا كارتانى قولىڭىزعا الىپ، قاجەتىڭىزگە پايدالانا بەرۋگە بولادى.
تانىستىرىلىم سوڭىندا ميحايل لومتادزە كليەنتتەر ءۇشىن تاعى ءبىر ءتيىمدى ۇسىنىس جاسادى. سەبەبى Kaspi.kz ءموبيلدى قوسىمشاسىن وسى جىلدىڭ 1 تامىزىنا دەيىن جۇكتەپ العاندارعا تولەم كەزىندە 5% بونۋس بەرىلەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى