كەدەندىك باج سالىعى مەن سالىقتاردىڭ مەرزىمىن ۇزارتۋعا مۇمكىندىك تۋدى

"قازاقستان رەسپۋبليكاسىنداعى كەدەندىك رەتتەۋ تۋرالى" كودەكستە سىرتقى ەكونوميكالىق قىزمەتكە (سەق) قاتىسۋشىلار ءۇشىن شىعىندارىن وڭتايلاندىرۋىنا مۇمكىندىك بەرەتىن بىراقتار ارتىقشىلىقتار پايدا بولدى، دەپ حابارلايدى قر ۇلتتىق ەكونوميكا مينيسترلىگىنىڭ ءباسپاسوز قىزمەتى. 

وسىلايشا، ەندى سەق قاتىسۋشىلاردىڭ بارلىعى كەدەندىك باج سالىعى مەن سالىقتاردىڭ مەرزىمىن ۇزارتۋعا مۇمكىندىك الدى.

قر ۇلتتىق ەكونوميكا ءمينيسترى تيمۋر سۇلەيمەنوۆتىڭ مالىمەتىنشە، ەگەر دەكلاراتسيا تاپسىرۋشى قانداي دا ءبىر سەبەپپەن كەدەندىك باج سالىعى جانە سالىقتار بويىنشا بيۋدجەتپەن ەسەپ ايىرىسا المايتىنداي بولسا، وندا مەملەكەت وعان پايىز تولەۋ جولىمەن ءبىر ايعا مەرزىمىن سوزا الادى.

«جەكەلەگەن جاعدايلاردا پايىز تولەمەي التى ايعا دەيىن مەرزىمىن ۇزارتا الادى. بۇل، ماسەلەن، حالىقارالىق كەلىسىمدەر اياسىنداعى جەتكىزۋلەردى جۇزەگە اسىرۋ كەزىندە، اۋىل شارۋاشىلىعى تەحنيكاسىن، ەگىستىك ماتەريالداردى، اسىل تۇقىمدى مالدى جەتكىزۋ كەزىندە، سالىق تولەۋشى تابيعي اپات، تەحنولوگيالىق اپات جانە باسقا دا ىرىق بەرمەيتىن كۇشتەن زارداپ شەككەن جاعدايلاردا جۇزەگە اسادى»، - دەدى سۇلەيمەنوۆ.

ونىڭ ايتۋىنشا، ينۆەستورلار ءۇشىن كەدەندىك دەكلاراتسيا تاپسىرۋعا دەيىن تاۋار شىعارۋ مۇمكىندىگى كەڭەيدى.

"ينۆەستيتسيالىق جوبالاردى جۇزەگە اسىرۋ اياسىندا ينۆەستورلار كەلەسى ايدىڭ 10-ىنان كەشىكتىرمەي كەيىننەن دەكلاراتسيا تاپسىرۋعا ءوتىنىش بەرۋ نەگىزىندە تاۋارلاردى وزىنە الا الادى. سونداي-اق اتالعان نورما ەندىگى جەردە بوس قويمالار، ەركىن كەدەندىك ايماق، قايتا وڭدەۋ كەدەندىك راسىمدەۋلەرىنە دە جۇرەدى", - دەدى مينيستر.

“The Qazaq Times”