قازاقستاندا جاستاردىڭ جارتىسىنان استامى جۇمىسسىز

2017 جىلدىڭ 1-توقسانىنا جاسالعان ەسەپتە جاستار اراسىنداعى جۇمىسسىزدىق دەڭگەيى 4,2% دان 3,8%-عا دەيىن تومەندەگەن. بۇل تۋرالى Ranking سايتى جاريالاعان زەرتتەۋ ناتيجەلەرىندە كورسەتىلدى.

قازاقستاننىڭ كەي وڭىرلەرىندە جۇمىسسىز جاستاردىڭ سانى رەسپۋبليكالىق دەڭگەيدەن دە اسىپ وتىر. ولاردىڭ باسىم بولىگى – ماڭعىستاۋ وبلىسى (6,5%), قاراعاندى وبلىسى (6,1%), الماتى (5,3%) قالاسىندا.

ال جۇمىسسىزدىق دەڭگەيى تومەن وڭىرلەرگە – شقو (2%), وقو (1,7%) جانە اتىراۋ وبلىستارى (1,5%) كىرەدى.

جالپى قازىرگى تاڭدا قازاقستاندا 15-24 جاس ارالىعىنداعى 2 ميلليون جاستار بار ەكەن، ولاردىڭ 49% جۇمىسپەن قامتىلعان.

فوتو: ranking.kz

ال جاستاردىڭ ۇشتەن ءبىر بولىگى وقو مەن الماتى قالالارىندا شوعىرلانعان. بىراق  جۇمىسپەن قامتىلعاندار سانى سايكەسىنشە 33% جانە 49% كورسەتكىشكە جەتكەن.

ال اقمولا وبلىسى مەن استانا قالالارىندا جاستاردىڭ جۇمىسپەن قامتىلۋ دەڭگەيى جوعارعى ناتيجەنى كورسەتىپ وتىر. بۇل وڭىرلەردە جاستاردىڭ  61% جانە 56% پايىزى تولىقتاي جۇمىسپەن قامتىلعان.

“The Qazaq Times”