جىل باسىنان بەرى قارجىلاندىرۋدىڭ بارلىق كوزى ەسەبىنەن 6,2 ملن شارشى مەتر (ش/م) تۇرعىن ءۇي پايدالانۋعا بەرىلگەن. بۇل «نۇرلى جەر» باعدارلاماسىنىڭ جىلدىق جوسپارىنىڭ 61%-ىن قۇرايدى. مۇنداي مالىمەتتى قر ينۆەستيتسيالار جانە دامۋ ۆيتسە-ءمينيسترى رومان سكليار كەلدىردى.
ونىڭ سوزىنشە، تۇرعىن ءۇيدى پايدالانۋعا بەرۋ بويىنشا استانا (1 680,2 مىڭ ش/م), الماتى (981,6 مىڭ ش/م) قالالارى، ماڭعىستاۋ (592,7 مىڭ ش/م) جانە وڭتۇستىك قازاقستان وبلىستارى (348,9 مىڭ ش/م) كوش باستاپ تۇر. جەكە تۇرعىن ءۇيدى پايدالانۋعا بەرۋ بويىنشا ماڭعىستاۋ، قىزىلوردا، اتىراۋ جانە باتىس قازاقستان وبلىستارى باسىم.
"7 ايدىڭ قورىتىندىسى بويىنشا تۇرعىن ءۇي قۇرىلىسىنا 445,2 ملرد تەڭگە بولىنگەن، ونىڭ 75,8 ملرد تەڭگەسى مەملەكەتتىك ينۆەستيتسيالار. مەملەكەتتىك قاراجاتتار ەسەبىنەن 8 829 پاتەر (541,3 مىڭ ش/م) سالىنعان. جىل سوڭىنا دەيىن تاعى قوسىمشا 16 176 پاتەردى (948,2 مىڭ ش/م) پايدالانۋعا بەرۋ جوسپاردا بار", - دەدى رومان سكليار قر ۇكىمەتىندە وتكەن ءباسپاسوز كونفەرەنتسياسىندا.
سونداي-اق، مينيسترلىك وكىلى بيىل باعدارلاما اياسىندا اكىمدىكتەرگە 25 ملرد تەڭگە بولىنگەنىن جانە 6 مىڭعا جۋىق ارەندالىق پاتەرلەردىڭ قۇرىلىسى باستالىپ، ولاردىڭ جارتىسى جىل سوڭىنا دەيىن وتكىزىلەتىنىن اتاپ ءوتتى. ارەندالىق ۇيلەرمەن باسپانا ساتىپ الۋعا مۇمكىندىكتەرى جوق حالىقتىڭ الەۋمەتتىك تۇرعىدان وسال توپتارى قامتاماسىز ەتىلەدى. ارەندا اقىسى، ساتىپ الۋ قۇقىعىنسىز، الەۋمەتتىك تۇرعىن ءۇيدىڭ 1 ش/م شامامەن 100 تەڭگەنى قۇرايدى.
بۇدان بولەك، جارتى جىلدىقتىڭ قورىتىندىسى بويىنشا، جوسپارلانعان 60 مىڭ جەر تەلىمىنەن بۇگىندە 23,5 مىڭ اۋماعى جەلىلەرمەن قامتىلعان. 4 وبلىس ورتالىعىندا بىرىڭعاي ساۋلەت ستيلىندە جەكە باسپانالار قۇرىلىسىنىڭ پيلوتتىق جوباسىن ىسكە اسىرۋ جۇمىستارى باستالدى. وسىنداي باسپانانىڭ قۇنى 90%-عا دەيىن وتاندىق قۇرىلىس ماتەريالدارىن پايدالانۋ ەسەبىنەن شارشى مەترىنە 120 مىڭ تەڭگەنى قۇرايدى.
پيلوتتىق جوبادا جەر تەلىمىنە كەزەكتە تۇرعان ازاماتتارعا دايىن ءۇيدى ساتىپ الۋ قۇقىعى بەرىلەدى. كەزەكتە تۇرعان ادامدار اتالعان باسپانانى ءوز قاراجاتى ەسەبىنەن نەمەسە جىلدىق 5%-بەن تقجب-دان قارىز الۋ ارقىلى ساتىپ الا الادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى