قازاقستاننىڭ ىشكى ىستەر دەپارتامەنتىنىڭ اسكەري تەرگەۋ باسقارماسى قازاق-قىرعىز شەكاراسىندا بولعان اتىسقا بايلانىستى تەرگەۋ جۇمىستارىن جۇرگىزۋدە، دەپ مالىمدەدى قر باس اسكەري پروكۋراتۋراسىنىڭ ءباسپاسوز قىزمەتى.
باس پروكۋراتۋرا مالىمەتىنشە، قازىرگى ۋاقىتتا جامبىل وبلىسى جامبىل اۋدانىنىڭ ىشكى ىستەر دەپارتامەنتى شەكاراشىلارعا قارسى زاڭ بۇزعان ازاماتتار ۇستىنەن قر قىلمىستىق كودەكسىنىڭ 380 بابىنىڭ 2 تارماعى (بيلىك وكىلىنە كۇش قولدانۋ) بويىنشا قىلمىستىق ءىس قوزعاپ، سوتقا دەيىنگى تەرگەۋ جۇمىستارىن جۇرگىزۋدە. بۇنىمەن قاتار ءىىد اسكەري تەرگەۋ باسقارماسى زاڭ بۇزۋشىلارعا وق اتقان ەكى ساربازدىڭ ۇستىنەن دە قر قىلمىستىق كودەكسىنىڭ 451 بابىنىڭ 2 تارماعى (قارۋ قولدانا وتىرىپ قىزمەتىن اسىرا پايدالانۋ) بويىنشا، سوتقا دەيىنگى تەرگەۋ جۇمىستارىن باستاعان.
ۆەدومستۆا ءباسپاسوز قىزمەتىنىڭ تاراتقان اقپاراتى بويىنشا، تامىزدىڭ 12-ءسى كۇنى قازاق-قىرعىز شەكاراسىنداعى 2035 «جاسوركەن» زاستاۆاسىندا ساعات 19:56 شاماسىندا ەرگەش. پ. ا جانە ءبورىباي. گ. ا ەسىمدى ەكى سارباز 20-عا جۋىق ادامنىڭ قىرعىزستاننان جىلقى وتكىزۋ ءۇشىن شەكارا سىمدارىن بۇزىپ جاتقانىن بايقاعان. جاسالعان ەسكەرتۋگە قۇلاق اسپاي شەكاراشىلارعا قارسى تاس لاقتىرعان زاڭ بۇزۋشى توپقا قارسى جوعارىدا اتالعان ەكى سارباز وق اتىپ، سالدارىنان 1987 جىلعى ءبىر ازامات كوز جۇمعان.
ەستەرىڭىزگە سالايىق، تامىزدىڭ 12-ءى كۇنى قازاق-قىرعىز شەكاراسىندا وق اتىلىپ، ءبىر ادام كوز جۇمعان بولاتىن.
«قازاقستان اسكەرى رەسەي شەكاراسىن قورعاۋعا بارا ما؟»: قورعانىس ءمينيسترى جاۋاپ بەردى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
ۋكراينا داعدارىسىنىڭ كۇشەيۋىنە بايلانىستى رەسەي – موڭگوليا - قىتاي مۇددەلىك قاتىناستارى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى