تاركىلەنگەن قارۋلار. فوتو: Business Insider.

مەكسيكادا ماۋسىم ايىنان بەرى 2 مىنان استام ادام قاستاندىققا ۇشىرادى. بۇل سوڭعى 20 جىلدان بەرگى ەلدەگى ەڭ قاندى وقيعالار بولىپ قالدى. بۇعان سەبەپ - اقش پەن مەكسيكا شەكاراسىنىڭ قاتاڭ رەجيمگە ءوتۋى جانە شەكارا ماڭىنداعى قىلمىستىق توپتاردىڭ ازاماتتارعا كورسەتكەن قىسىمى دا ارتا تۇسكەن. بۇل تۋرالى BBC جاڭالىقتار قىزمەتى حابارلايدى.

مەكسيكانىڭ اقش-قا شەكارالاس ايماقتاعى قىلمىستىق توپتار ۇيىمى شەكاراعا زاڭسىز كىرۋ ءۇشىن كەيدە ۇكىمەت قارۋلى كۇشتەرىمەن دە قاقتىعىسىپ قالادى. ترامپ بيلىككە كەلگەننەن كەيىن، اقش-مەكسيكا شەكاراسىنان كىرەتىن زاڭسىز ميگرانتتاردى شەكتەۋ ءۇشىن، ەكى ەل اراسىنا قورعان تۇرعىزۋدى قولعا العان. ال، شەكارادان زاڭسىز ءوتۋ قيىنداعان سايىن قىلمىستىق توپتاردىڭ ساۋدا جولى كەسىلىپ، شەكارادان زاڭدى-زاڭسىز وتەتىن مەكسيكالىق ازاماتتاردى كونتراباندا ىسىنە تارتا باستاعان. ەگەر ازاماتتار بۇعان قارسىلىق بىلدىرەر بولسا تاباندا اتىپ تاستايتىن بولعان.

قىلمىستىق توپتاردىڭ دەگەنىن جاساماستان شەكارادان ءوتىپ كەتكەندەردى دە، اقش تەرريتورياسىنداعى سىبايلاستارى ارقىلى قاستاندىق جاساعان. مۇنداي قاستاندىقتار ماۋسىم ايىنان بەرى 2 مىڭ مەكسيكالىق ازاماتتىڭ ءومىرىن قيعان. قازىر مەكسيكا پوليتسيا وكىلدەرى شەكارادا ورنالاسقان بىرنەشە قالالاردا بارلاۋ جۇمىسىن ارتتىرعان. الايدا، ايلالى توپ پوليتسەيلەردىڭ قۇرىعىنان وڭاي جالتارىپ كەتىپ جاتسا كەرەك.

“The Qazaq Times”