تۇركيا يرانمەن شەكاراسىندا قورعاندار تۇرعىزۋدا. فوتو: SCF,

تۇركيا يرانمەن شەكاراسىنا قورعان تۇرعىزۋدا. بۇل ارەكەتىن اۋعانستاننان كەلەتىن بوسقىندار اعىنىن توقتاتۋ ءۇشىن جاسالعان قادام دەپ ءتۇسىندىردى.

تۇركيانىڭ قورعانىس مينيسترلىگى تاراتقان رەسمي مالىمەتتەرگە سايكەس، ارنايى تىكەن تورلارمەن قورشالاتىن شەكارا دۋالىنىڭ ۇزىندىعى 295 شاقىرىمدى قۇرايدى. شەكارا قورعانىنىڭ قۇرىلىسى بارىنشا قارقىندى جۇرگىزىلۋدە. قازىرگە دەيىن 150 شاقىرىمدىق شەكارا سىزىعىن بويلاي تەرەڭ شۇڭقىرلار دا قازىلىپ بولعان.

«ءبىز بۇل جۇمىستى تەزدەتىپ ءبىتىرىپ، شەكارامىزدىڭ بەكەمدىگىنە نىق سەنىمدى بولعىمىز كەلەدى»، – دەدى ەلدىڭ قورعانىس ءمينيسترى باسپاسوزدەگى مالىمدەمەسىندە. ونىڭ ايتۋىنشا جۇمىستىڭ اياقتاۋىنا كوپ ۋاقىت قالعان جوق. كەيبىر شەكارا بەكەتتەرى مەن اسكەري بازالار ورنالاسقان ايماقتاردى بەكەمدەۋ جۇمىستارى دا بار.

The Qazaq Times