«China Daily» باسىلىمىنىڭ ونلاين قىزمەتى، اقش جەرگىلىكتى ۋاقىتىمەن 9 شىلدە كۇنى ءبىر رەسەيلىك بارلاۋشى ۇشاقتىڭ اقش-تىڭ ورتالىق قالاسى ۋاشينگتوننىڭ (ۆاشينگتون) اۋە كەڭىستىگىنەن ۇشىپ وتكەنىن حابارلادى. اقش ۇكىمەتىنىڭ ەكى وكىلى بەرگەن مالىمەتتە، رەسەي بارلاۋشى ۇشاعى اقش قورعانىس مينيسترلىگىنىڭ بەس بۇرىشتى عيماراتى، كاپيتولي عيماراتى جانە باسقا دا مەملەكەتتىك ورگاندارعا جاقىن كەڭىستىكتەن ۇشىپ وتكەنىنە قاراپ، ونىڭ بارلاۋ قىزمەتىندە اقپار جيناپ جۇرگەنىن تۇراقتاندىرۋعا بولادى دەلىنگەن.
بۇل رەسەيلىك تۋ-154 بارلاۋشى ۇشاعىنىڭ الەمدىك «اشىق كەڭىستىك شارتى» نەگىزىندە ۋاشينگتون كەڭىستىگىندە بارلاۋ قىزمەتىن وتەۋى بولىپ تابىلادى. 1992 جىلى قول قويىلعان «اشىق كەڭىستىك شارتى» 2002 جىلدان باستاپ كۇشىنە ەنگەن. شارتقا قول قويعان ەلدەردىڭ شارلاۋشى ۇشاقتارى ءبىر-ءبىرىنىڭ قاۋىپسىز كەڭىستىگىندە، حالىقارالىق قارۋ-جاراققا باقىلاۋ شارتتاردىڭ ينسپەكتسياسىن ىسكە اسىرۋ ءۇشىن قارۋسىز شارلاۋ جۇرگىزۋىنە بولادى دەپ بەلگىلەنگەن. رەسەي بۇل كەلىسىمگە 2001 جىلى مامىر ايىندا قول قويعان. وسىعان دەيىن رەسەي جانە ناتو-عا مۇشە ەلدەردى قامتىعان 34 ەل شارتقا قول قويعان بولاتىن.
قىركۇيەك ايىندا اقش كونگرەسى قاۋىپسىزدىك قىزمەتكەرلەرىنە ەسكەرتۋ جاساپ، تومەن كەڭىستىكتە بارلاۋ جۇرگىزەتىن ۇشاقتاردىڭ 11:00 مەن 15:00 ارالىعىندا شارلاۋ جۇرگىزۋىنە شەكتەۋ قويدى. كەلىسىمگە قول قويعانىمەن اقش جانە رەسەي اراسىندا كەيبىر بارلاۋشى ۇشاقتاردىڭ كەڭىستىككە كىرۋىنە تۋرالى كىربەڭدىكتەر دە تۋىلىپ كەلەدى.
«قازاقستان اسكەرى رەسەي شەكاراسىن قورعاۋعا بارا ما؟»: قورعانىس ءمينيسترى جاۋاپ بەردى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
ۋكراينا داعدارىسىنىڭ كۇشەيۋىنە بايلانىستى رەسەي – موڭگوليا - قىتاي مۇددەلىك قاتىناستارى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى