فوتو: Reuters

قىتايدا "قاۋىپتى" سايتتاردى بۇعاتتاۋ بويىنشا وقۋ-جاتتىعۋ جۇمىستارى بولىپ ءوتتى. ترەنينگكە قوعامدىق قاۋىپسىزدىك مينيسترلىگىنىڭ ينتەرنەتتى باقىلاۋ ءبولىمىنىڭ قىزمەتكەرلەرى قاتىستى. بۇل تۋرالى BBC اقپاراتتىق اگەنتتىگى جازدى.

BBC اقپاراتتىق اگەنتتىگىنىڭ پەكيندەگى ءجۋرناليستى دجون سۋدۋورتتىڭ حابارلاۋىنشا، وقۋ-جاتتىعۋ جۇمىستارى جۇرگەن 2,5 ساعاتتىڭ ىشىندە بىرقاتار سايتتار جابىلعان.

قىتايدا سوڭعى كەزدەرى ينتەرنەت-تسەنزۋرا كۇشەيىپ كەلەدى. ورتالىق پارتيانىڭ پىكىرىنشە، "قاۋىپتى" دەپ تابىلعان كەز كەلگەن سايت بۇعاتتالىپ، قىزمەتىن توقتاتادى. قىتايلىقتار شەتەلدىك تانىمال سايتتار مەن الەۋمەتتىك جەلىلەرگە كىرۋ ءۇشىن VPN (Virtual Personal Network) پايدالانىپ كەلگەن بولاتىن.

جەكە ۆيرتۋالدى سايتتار (VPN) ءوز قولدانۋشىلارىنا ونىڭ مەملەكەتىندە بۇعاتتالعان ينتەرنەت رەسۋرستارعا قول جەتكىزۋگە ارنايى ترافيك ۇسىنادى. تانىمال VPN-دەردىڭ قىزمەتى ءۇشىن ءار قولدانۋشى ايىنا 10 دوللاردان تولەيدى.

جاقىندا قىتاي VPN -دەرگە دە  تىيىم سالدى.  "عالامتوردى تازالاۋ جانە ستاندارتتاۋ" دەپ اتالاتىن بىرىڭعاي مەملەكەتتتىك ساياسات اياسىندا جۇزەگە اسىپ وتىرعان شارالاردىڭ قاتاڭداۋىن ساراپشىلار بيىل كۇزدە وتەتىن كوممۋنيستىك پارتيانىڭ 5 جىلدا ءبىر بولاتىن سەزدىنىڭ الدىنداعى دايىندىقپەن بايلانىستىرادى.

“The Qazaq Times”