فوتو: mz.gov.kz

قر دەنساۋلىق ساقتاۋ مينيسترلىگى مەن «تالاپ» قولدانبالى زەرتتەۋ ورتالىعى» قوعامدىق قورى اراسىندا ىنتىماقتاستىق تۋرالى مەموراندۋمعا قول قويىلدى. بۇل تۋرالى مينيسترلىكتىڭ ءباسپاسوز قىزمەتى حابارلادى. 

قول قويۋ راسىمىنە قر دەنساۋلىق ساقتاۋ ءمينيسترى ەلجان ءبىرتانوۆ پەن «تالاپ» قولدانبالى زەرتتەۋ ورتالىعى»قوعامدىق قورىنىڭ ديرەكتورى راxىم وشاقباەۆ قاتىستى.

"اتالعان مەموراندۋم دەنساۋلىق ساقتاۋ جۇيەسىنىڭ تيىمدىلىگىن ارتتىرۋ، ونىڭ ىشىندە ەرىكتى مەديتسينالىق ساقتاندىرۋدىڭ ەڭ ۇزدىك الەم تاجىريبەسىن ەنگىزۋ بويىنشا بىرلەسكەن جۇمىستاردى قاراستىرادى", - دەلىنگەن ءباسپاسوز حابارلاماسىندا.

سونداي-اق، مەموراندۋم قر دەنساۋلىق ساقتاۋ مينيسترلىگى بيۋدجەتىنىڭ اشىقتىعى مەن تيىمدىلىگىن ارتتىرۋعا، دەنساۋلىق ساقتاۋ جۇيەسىنە اشىق جانە قوعامدىق مونيتورينگ جۇرگىزۋگە، زاڭ جوبالاۋ، ساراپتامالىق، عىلىمي-زەرتتەۋ جۇمىستارىنا جانە ت. ب. قاتىسۋعا باعىتتالعان.

ايتا كەتەيىك، ەلجان ءبىرتانوۆ پەن راقىم وشاقباەۆ "حابار" تەلەارناسىندا مىندەتتى الەۋمەتتىك مەديتسينالىق ساقتاندىرۋعا قاتىستى تەلەدەبات ۇيىمداستىرعان بولاتىن. تەلەدەبات كەزىندە راقىم وشاقباەۆتىڭ ءمامس سالىقتىڭ جاڭا ءتۇرى دەگەن پىكىر ايتقان.

“The Qazaq Times”