تۋنيستەگى پالەستينانى قولداۋ شاراسى. فوتو: انادولى اا.

پالەستينا مەن يزرايل ورتاسىندا قايتا تۇتانۋعا شاق قالعان سوعىس قاۋىپى ازدا بولسا سەيىلدى. تاراپتار مىسىردىڭ ارا اعايىن بولۋىمەن وق اتۋىسپاۋ تۋرالى شارتقا قول قويدى. دەگەنمەن، ەكى ەل ورتاسىنداعى قايشىلىق سول كۇيىندە قالدى. وسى تۇتسا الەمنىڭ كوپتەگەن ەلدەرىندە ءيزرايلدىڭ پالەستيناعا شاپقىنشىلىعىن ايىپتاعان شەرۋلەر وتۋدە. 

پالەستيناعا قولداۋ كورسەتكەن شەرۋلەر دەمالىس كۇندەرى امەريكا قۇراما شتاتتارىنىڭ بىرقاتار ءىرى قالالارىندا بولدى. نيۋ-يورك قالاسىنداعى ۇلكەن الاڭدا وتكن شەرۋدە پالەستينا تۋلارى كوتەرىلىپ، "پالەستيناعا بوستاندىق", "گازاعا بوستاندىق" ۇراندارى ايتىلدى. شەرۋشىلەر يزرايل مەن اقش بيلىگىنىڭ ارەكەتىنە نارازىلىقتارىن ءبىلدىردى.

نيۋ-يوركتەگى نارازىلىق. فوتو: Anadolo

ءيزرايلدىڭ پالەستينا جەرىنە شاپقىنشىلىعى جانە شىعىس يەرۋساليمدەگى، ءال-اقسا مەشىتىندەگى ارەكەتتەرىن ايىپتاعان شەرۋلەر گەرمانيا ورتالىق قالاسى بەرليندە دە دابىرالى ءوتتى. وندا دا ءيزرايلدىڭ باسقىنشىلىق ارەكەتتەرىن توقتاتۋ، "گازا سىندى ۇلكەن تۇرمەنى بوساتۋ" تالاپتارى ايتىلدى.

يزرايل مەن اقش ارەكەتىن قاتار ايىپتاعان شەرۋلەر دەمالىس كۇندەرىندە بريتانيا، فرانتسيا، نيدەرلاند، تۋنيس، يوردانيا قاتارلى ەلدەردە دە بولدى.

ەكى اپتاعا جۋىق جالعاسقان قاقتىعىستان پالەستينادا 232 ادام كوز جۇمدى، ونىڭ 104-ءى ايەلدەر مەن بالالار.

“The Qazaq Times”