فوتو: Capitalgains.ru

سوڭعى ون جىلدا قازاقستاننان 10  ملرد دوللار ۇرلانعان جانە زاڭسىز شىعارىلعان، دەپ حابارلايدى باس پروكۋراتۋرا. 

ۆەدومستۆونىڭ مالىمەتىنشە، وسى فاكتى بويىنشا 36 قىلمىستىق ءىس قوزعالعان.

ء"بىزدىڭ بۇل ىستەگى ءالسىز تۇسىمىز - بىلىكتى تەرگەۋشىلەردىڭ بولماۋى. ولار شەت مەملەكەتتەرگە سۇرانىستى دۇرىس جىبەرە المايدى، اكتيۆتەرگە بۇعات قويۋدى جانە ولاردى ەلگە قالاي قايتارۋدىڭ جولىن بىلمەيدى. شەتەلدىك ارىپتەستەرمەن تىعىز بايلانىس جەتىسپەيدى", - دەپ اتاپ ءوتتى ۆەدومستۆودان.

ال بۇل ماسەلەلەر بويىنشا 2016 جىلدىڭ قازان ايىندا اكتيۆتەردى قايتارۋ جوباسىن جۇزەگە اسىرۋ جۇمىسى باستالعان.

"ەندى ءبىز شەتەلدىك قۇقىق قورعاۋ ورگاندارىمەن  اقپاراتپەن الماسۋ جىلدام بولۋ ءۇشىن ەۋروپا مەن ازياداعى اقپارات الماساتىن الەمدىك جەلىلەرگە قوسىلدىق. قۇزىرەتتى ورگاندارمەن بىرگە شەتەلدگى قىلمىستىق جولمەن بولعان كىرىستەردى قايتارۋدىڭ مەتوديكاسىن جاسادىق", - دەپ ءتۇسىندىردى باس پروكۋراتۋرا.

سونداي-اق، ۆەدومستۆو بىرىگىپ ىستەلگەن جۇمىستار ناتيجەسىندە 60 ملن دوللارعا توسقاۋىل قويىلعانىن اتاپ ءوتتى. ەندى وسى قاراجاتتى قايتارۋ جۇمىستارى جۇرگىزىلىپ جاتىر.

ايتا كەتەيىك، بۇل 10 ملرد دوللار قىلمىستىق جولمەن شىعارىلعان قارجىنىڭ تەك ءبىر بولىگى بولۋى مۇمكىن. وفشورلى ايماقتارعا دا ءبىراز قاراجاتتىڭ جىلىستاپ كەتۋى عاجاپ ەمەس.

“The Qazaq Times”