قازاقستاندا سالىق كرەديتى ەنگىزىلمەك

قازاقستاندا  كومپانيالاردىڭ الداعى ۋاقىتتاعى سالىق مىندەتتەمەلەرىن جابۋ ءۇشىن جاڭا سالىق كودەكسىنە سالىق كرەديتىن ەنگىزۋ جوسپارلانىپ وتىر. بۇل تۋرالى قر ۇلتتىق ەكونوميكا ۆيتسە-ءمينيسترى رۋسلان دالەنوۆ مالىمدەدى.

«سالىق كودەكسىنە سالىق كونسۋلتانتتارىنىڭ ينستيتۋتى، قاشىقتاعى اۋديت ەنگىزىلەدى جانە سالىق كرەديتىن ەنگىزۋ جوسپارلانعان. ياعني كاسىپورىن اشىلادى، وعان ءتۇسىم تۇسەدى جانە تابىستىڭ بولۋىن كۇتەدى، بىراق كەيىن سالىقتارى پايدا بولادى. وسى جاعداي بويىنشا سالىق مىندەتتەرىنە بايلانىستى جاڭا نۇسقانى قاراپ جاتىرمىز - ول سالىق كرەديتى. ياعني ول سالىقتى تولەمەي قويا تۇرادى", - دەدى ءبىرىنشى ۆيتسە-مينيستر ۇكىمەتتىڭ ءباسپاسوز ماجىلىسىندە.

سونداي-اق، ونىڭ پىكىرىنشە، سالىقتىق تەكسەرۋلەردىڭ ءبىر بولىگى اۋتسورسينگكە بەرىلۋ كەرەك.

"اكىمشىلىك جاۋاپكەرشىلىكتى جەڭىلدەتۋ ءۇشىن بىرقاتار جۇمىس اتقارىلدى. ەندى تەكسەرۋلەردىڭ ءبىر بولىگىن اۋتسورسينگكە بەرۋ كەرەك. بيزنەس بيزنەستى تەكسەرىپ كورسىن. كىمدە-كىم جاسىل ايماققا شىقسا ولاردى ۇمىتا بەرۋگە بولادى. ال قىزىل نەمەسە سارى ايماقتا قالعاندار بولسا، ولارعا نە كومەك، نە اكىمشىلىك جاۋاپكەرشىلىكتەر، ياعني تەكسەرۋلەر قاجەت بولادى", - دەدى ول.

“The Qazaq Times”