پاكىستاندا بۇرىنعى تابيعي رەسۋرستار جانە مۇناي ءمينيسترى شاحيد حاكان ابباسي پرەمەر-مينيستر بولىپ سايلاندى. بۇل تۋرالى APF اقپاراتتىق اگەنتتىگى جازادى.
شاحيد حاكان ابباسي ىقپالدى "پاكىستاننىڭ مۇسىلماندار ليگاسى" پارتياسىنا مۇشە. بيلەۋشى پارتيا ۇلتتىق اسسامبلەياداعى 342 ورىننىڭ 188-نە يە. ال جاڭادان تاعايىندالعان پرەمەر ءمينيستردى قولداپ، 221 اسسامبلەيا مۇشەسى داۋىس بەرگەن.
28 شىلدە كۇنى "جەمقورلىق جاسادى" دەگەن ايىپ تاعىلعان پاكىستاننىڭ بۇرىنعى پرەمەر-ءمينيسترى ناۆاز شاريف جوعارعى سوتتىڭ شەشىمىمەن قىزمەتىنەن بوساتىلعان بولاتىن.
شاحيد حاكان ابباسي اقش-تاعى دجوردج ۆاشينگتون اتىنداعى ۋنيۆەرسيتەتتەگى وقۋىن تامامداعان سوڭ، بىرنەشە جىلدار بويى امەريكا مەن ساۋد ارابياسىندا ەنەرگەتيكا سالاسىندا ينجەنەر بولىپ قىزمەت ەتكەن. پاكىستانعا ورالعاننان كەيىن، ساياساتقا ارالاسىپ، ۇلتتىق اسسامبلەياعا 6 رەت قاتارىنان سايلانعان. ەل ىشىندە "رەۆوليۋتسيالىق ماتىندەگى ۇندەۋلەرمەن سويلەيتىن ەڭبەكقور مينيستر" ەسەبىندە تانىلعان شەنەۋنىك قازىر پاكىستانداعى ەڭ ءىرى Air Blue اۋە كومپانياسىنىڭ يەگەرى.
ەستەرىڭىزگە سالايىق، شىلدەنىڭ 28 كۇنى پاكىستان جوعارى سوتى بۇدان بۇرىنعى پرەمەر ناۆاز ءشاريفتى وتباسى مۇشەلەرىنىڭ جەمقورلىق داۋىنا قاتىسى بار دەگەن ايىپپەن ونى قىزمەتىنەن بوساتقان بولاتىن. 2015 جىلعى «پاناما دەرەكتەرىندە» ناۆاز شاريف بالالارىنىڭ وففشورلى كومپانيالارمەن بايلانىسى بار ەكەندىگى بەلگىلى بولعان.
«پاناما قۇجاتتارىن» 2015 جىلى حالىقارالىق جۋرناليستىك زەرتتەۋلەر كونسورتسيۋمى جاريالاعان. «پاناماگەيت قۇجاتتارىندا» وففشورلى شوتتارى بار قازاقستاندىق ازاماتتاردىڭ دا اتى اتالعان بولاتىن.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى