"قازكوممەرتسبانك" اق-نىڭ ديرەكتورلار كەڭەسىنىڭ توراعاسى ارمان دۋناەۆ. فوتو: qazkom.kz

«كازكوممەرتسبانك» اق ديرەكتورلار كەڭەسىنىڭ جاڭا قۇرامى 31 شىلدەدە وتكەن ءبىرىنشى وتىرىس كەزىندە تاۋەلسىز ديرەكتور ارمان دۋناەۆتى قكب-نىڭ ديرەكتورلار كەڭەسىنىڭ توراعاسى لاۋازىمىنا سايلادى. بۇل تۋرالى بانكتىڭ ءباسپاسوز قىزمەتى حابارلادى.

قكب-نىڭ ديرەكتورلار كەڭەسىنىڭ جاڭا قۇرامى بانك اكتسيونەرلەرىنىڭ 31 شىلدەدەگى كەزەكتەن تىس جالپى جينالىسىنىڭ شەشىمىمەن سايلانعان بولاتىن. سونىمەن ارمان دۋناەۆپەن بىرگە بانكتىڭ باسقارۋ ورگانىنا ساۋلە كىشكىمباەۆا, باس اكتسيونەردىڭ وكىلى – ءاليا قارپىكوۆا، تاۋەلسىز ديرەكتورلار – ازامات جولداسبەكوۆ پەن اسقار ەلەمەسوۆ، سونداي-اق قكب-نىڭ باسقارما توراعاسى لاۋازىمىنداعى ۋلف ۆوكۋركا كىردى.

ارمان عالياسقارۇلى دۋناەۆ – تاجىريبەلى، كاسىبي قارجىگەر، ەكونوميكا عىلىمدارىنىڭ كانديداتى. مەملەكەتتىك جانە جەكە سەكتور، سونداي-اق قارجى نارىعىنداعى جۇمىس تاجىريبەسى بار. تاۋەلسىز ديرەكتور رەتىندە Halyk Group توبىنىڭ قازاقستاننىڭ حالىق بانكى» اق، «Halyk Finance» اق جانە «حالىك-Life» اق سىندى بىرقاتار كومپانيالارىنىڭ ديرەكتورلار كەڭەسىنىڭ قۇرامىنا كىرەدى «Altyn Bank» اق («قازاقستاننىڭ حالىق بانكى» اق ەب) ديرەكتورلار كەڭەسىن باسقارادى.

ايتا كەتەيىك، بۇعان دەيىن بانكتىڭ ديرەكتورلار كەڭەسىن كەڭەس راقىشەۆ باسقارعان بولاتىن.

“The Qazaq Times”