فوتو: economy.gov.kz

2017 جىلعى 2 توقساندا قازاقستاندا ورتاشا ايلىق اتاۋلى جالاقى 149 951 تەڭگەنى قۇرادى. اتاۋلى جالاقى يندەكسى وتكەن جىلعى ءتيىستى توقسانىنا 104,4%، ال ناقتى جالاقى يندەكسى 97,1% قۇرادى. بۇل تۋرالى قر ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى.

سالالىق قۇرىلىمدا ەڭ ۇلكەن اتاۋلى جالاقى قارجى جانە ساقتاندىرۋ قىزمەتىندە – 315,3 مىڭ تەڭگە  (ورتاشا رەسپۋبليكالىق دەڭگەيدەن 2,1 ەسەگە استى), كاسىبي، عىلىمي جانە تەحنيكالىق قىزمەتتە – 253,2 مىڭ تەڭگە (1,7 ەسەگە استى), اقپارات جانە بايلانىس سالاسىندا – 222,4 مىڭ تەڭگە (1,5 ەسەگە استى), ونەركاسىپ سالاسىندا – 202,3 مىڭ تەڭگە (1,3 ەسەگە استى), قۇرىلىس سالاسىندا – 184,9 مىڭ تەڭگە (1,2 ەسەگە استى) بەلگىلەندى. ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى – 88,3 مىڭ تەڭگە، بۇل رەسپۋبليكا بويىنشا ورتا كورسەتكىشتەن 41,1%-عا تومەن.

وڭىرلىك بولىنىستە ەڭ جوعارعى جالاقى ماڭعىستاۋ وبلىسىندا بەلگىلەندى – 253,9 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,7 ەسەگە كوپ. جامبىل وبلىسىندا مۇنىڭ شاماسى 103,1 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن 31,3%-عا تومەن.

قازاقستان رەسپۋبليكاسىنىڭ وڭىرلەرى بويىنشا 2017 جىلعى 2 توقسانداعى ورتاشا ايلىق جالاقى

“The Qazaq Times”